13.05.2021 13:59

 

 გახარიას გუნდის წევრის, ანა ბუჩუკურის განცხადებით,  ყოფილ პრემიერს, გიორგი გახარიას საამნისტიო არაფერი  სჭირს.

მისი თქმით, ამნისტია შეთანხმების ერთ-ერთ პუნქტად გათვალისწინებული იყო პოლიტიკური კრიზისის დასასრულებლად.

 

"ამნისტიის მთელი იდეა და შარლ მიშელის დოკუმენტით გათვალისწინებული ამნისტიის იდეა ემსახურებოდა, რომ მომხდარიყო შეთანხმება. დღეს ფაქტობრივად ვხედავთ, რომ ერთ მხარეს თავისი ვარიანტი აქვს, მეორე მხარეს – თავისი და შეთანხმება სახეზე არ არის, – ამის შესახებ  ოპოზიციონერმა დეპუტატმა, ანა ბუჩუკურმა განაცხადა.

 

მისი თქმით, გაურკვევლობაში მონაწილეობის მიღებას არ აპირებენ. 

 

 "ამ გაურკვევლობაში მონაწილეობის მიღებას რა თქმა უნდა, არ ვაპირებთ. მთავრია ჩამოყალიბდნენ, რა უნდათ, შეთანხმდნენ და შემდეგ გავაკეთებ კომენტარს“, – განაცხადა ანა ბუჩუკურმა.

 

მისი თქმით, გიორგი გახარიას საამნისტიო არაფერი სჭირს, ვინაიდან ამნისტია შეთანხმების ერთ-ერთ პუნქტად გათვალისწინებული იყო პოლიტიკური კრიზისის დასასრულებლად. 

 

„გიორგი გახარიას საამნისტიო არაფერი სჭირს, ეს ერთი. შეთანხმების ერთ-ერთ პუნქტად იყო ჩადებული ამნისტია სწორედ იმიტომ, რომ პოლიტიკური კრიზისი დასრულებულიყო და მხარეებს შორის შეთანხმება მომხდარიყო. ყველას თავისი ვარიანტი აქვს და შეთანხმება არ არის ეს, გაურკვევლობაა,"- განაცხადა  ანა ბუჩუკურმა.