სლოვაკეთის სახელმწიფო მდივანი, რასტისლავ ჩოვანეცი სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის გარდაცვალების გამო ქართველ ხალხს უსამძიმრებს.

თავის მიმართვაში ჩოვანეცმა ხაზი გაუსვა პატრიარქის უდიდეს როლს საქართველოს ისტორიაში და მას სიმტკიცის სიმბოლო უწოდა.

„სლოვაკეთის რესპუბლიკის სახელით, ღრმა მწუხარებას გამოვთქვამ უწმინდესისა და უნეტარესის, კათოლიკოს-პატრიარქ ილია II-ის გარდაცვალების გამო. ის ათწლეულების განმავლობაში იყო საქართველოს სტაბილურობის, რწმენისა და იმედის სიმბოლო. მთელი თავისი ცხოვრების განმავლობაში იგი აერთიანებდა საზოგადოებას და დატოვა მემკვიდრეობა, რომელიც სცილდება მისი ქვეყნის საზღვრებს. განისვენოს მშვიდობით", - აღნიშნულია სახელმწიფო მდივნის განცხადებაში.