რუსეთის საგარეო საქმეთა სამინისტრომ დიპლომატიურ მისიებს დაუგზავნა ნოტა, რომელშიც მოუწოდა კიევიდან ევაკუაციისკენ გამარჯვების დღეს მოსალოდნელი პროვოკაციების შემთხვევაში.

„2026 წლის 4 მაისს თავდაცვის სამინისტრომ გამოაქვეყნა ოფიციალური განცხადება კიევის რეჟიმის მხრიდან დიდი სამამულო ომის გამარჯვების დღეს მოსკოვზე დარტყმის განხორციელების მუქარებთან დაკავშირებით. რუსეთის საგარეო საქმეთა სამინისტრო დაჟინებით მოუწოდებს თქვენი ქვეყნის ხელისუფლებას/თქვენი ორგანიზაციის ხელმძღვანელობას, მაქსიმალური პასუხისმგებლობით მოეკიდონ აღნიშნულ განცხადებას და უზრუნველყონ დიპლომატიური და სხვა წარმომადგენლობების პერსონალის, ასევე მოქალაქეების წინასწარი ევაკუაცია ქალაქ კიევიდან, შეიარაღებული ძალების მიერ კიევზე, მათ შორის გადაწყვეტილების მიღების ცენტრებზე, გარდაუვალი საპასუხო დარტყმის განხორციელებასთან დაკავშირებით", - ნათქვამია ტექსტში.