მედიაციის ევროპული რაუნდი, ფასილიტაციის ანალოგიურად, რომ უშედეგო იქნებოდა, ჯერ კიდევ მიშელის ვიზიტისას გამოჩნდა, როდესაც ამ დონის ევროპული პოლიტიკის წარმომადგენლობითი პირი, იძულებული გახდა, მედიაციის გადასარჩენად პირადი წარმომადგენელი გამოეშვა. ბატონი დანიელსონიც საკმაოდ მაღალი რანგის პოლიტიკოსი და გამოცდილი დიპლომატია, თუმცა შედეგი მაინც ნულოვანი იყო. ამ მედიაციის რამდენიმე დღიანმა რაუნდმაც ცხადად აჩვენა, რომ ნებისმიერი დიპლომატია უძლურია თუ რომელიმე მხარე კონსენსუს როგორც ასეთს უბრალოდ არ ცნობს და მხოლოდ მისი არგუმენტებია გადამწყვეტი პირობა მოლაპარაკებებისას. მიუხედავად იმისა, რომ ვადამდელი არჩევნების და პოლიტპატიმრების განთავისუფლების მოთხოვნა, არც ერთ ევროპულ ინსტიტუტს თუ მაღალი დონის ევროპარლამენტარს არ დაუყენებია დღის წესრიგში, მათი უსაფუძვლობის გამო, ოპოზიციის მთავარი ღერძი სწორედ ამ პირობის აპრიორს ეყრდნობოდა და ფაქტიურად კომპრომისსაც თავშივე გამორიცხავდა.