საქართველოს საპატრიარქოს საზოგადოებასთან ურთიერთობის სამსახურის ინფორმაციით, 21 მაისს, სრულიად საქართველოს კათოლიკოს-პატრიარქი შიო III, თბილისში, საბურთალოს ამაღლების სახელობის ტაძარში წირვას აღავლენს.

"ამა წლის 21 მაისს უწმინდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი შიო III წირვას აღავლენს თბილისში, საბურთალოს ამაღლების სახელობის ტაძარში.

ღვთისმსახურება 10:00 საათზე დაიწყება," - აღნიშნულია განცხადებაში.