„საქართველო მსოფლიო ტურიზმის ინდუსტრიის  უდიდეს  წარმომადგენლობას მასპინძლობს, რაც, ძალიან საინტერესოა“, - ასე შეაფასა „ჯორჯიან თაიმსთან“ საუბარში ტურიზმის ექსპერტმა, ვატო ასათაშვილი გაეროს მსოფლიო ტურიზმის ორგანიზაციის (UNWTO) აღმასრულებელი საბჭოს 112-ე სხდომის გახსნის ფაქტი.  ექსპერტის თქმით, ამით ჩვენი ქვეყანა მსოფლიოს ყურადღების ცენტრში მოხვდება, თუმცა, სხვა კონკრეტული შედეგი კონფერენციას ნამდვილად ვერ ექნება:

„გამომდინარე იქიდან, რომ ამ ეტაპზე, არც ტურისტული სეზონი გვაქვს და  არც სამომავლო პროგნოზი, მნიშვნელოვანს  არაფერს უნდა  ველოდეთ.  აღნიშნული  კონფერენცია, ცალსახად, ტურისტებს ვერ მოიზიდავს და ვერც ეკონომიკური კუთხით მოგვცემს შედეგს“, - აცხადებს იგი.

თუმცა, გრძელვადიან პერსპექტივებში, ის ზემოთხსენებულ  საკითხს  იმედიანად უყურებს:

„გრძელვადიან პერსპექტივაში, მსგავსი აქტივობები ძალიან მნიშვნელოვანია, იმისათვის, რომ  საქართველომ  მუშაობა დაიწყოს  მსოფლიო ტურიზმის ორგანიზაციებთან და  ჩვენი ქვეყანა გახდეს რეგიონული ჰაბი. ასევე,  შეიქმნას ტურიზმის საექსპერტო ჯგუფები და საერთაშორისო ორგანიზაციების ეგიდით არსებული კვლევითი ცენტრები, რაც, საბოლოოდ,  ქვეყანას სტრატეგიულად სწორად განავითარებს“, - აცხადებს იგი.