02.08.2021 13:19
„ჩვენს მიერ გადადგმული სწორი ნაბიჯების შედეგად ქვეყანაში ეკონომიკის სწრაფი აღდგენა მიმდინარეობს,“ - ამის შესახებ პრემიერ-მინისტრმა ირაკლი ღარიბაშვილმა მთავრობის სხდომის დაწყებამდე განაცხადა.
მისი თქმით, საქართველოს ბოლო 6 თვეში ეკონომიკის უპრეცედენტო ზრდა ჰქონდა.
„პარასკევს ეკონომიკური ზრდის მაჩვენებელი გამოქვეყნდა, რომელმაც 18,7% შეადგინა და ეს ადასტურებს, თუ რაოდენ მაღალი ტემპით მიმდინარეობს ეკონომიკური ზრდა ქვეყანაში და ეკონომიკის აღდგენა.
მე ჩვენს მოსახლეობას შევახსენებ, რომ ჩვენს მიერ გადადგმული სწორი ნაბიჯების შედეგად ქვეყანაში ეკონომიკის სწრაფი აღდგენა მიმდინარეობს. აპრილში ჩვენ 45%-იანი ზრდა გვქონდა, მაისში 25%-იანი და ახლა უკვე ივნისში 18,7% დაფიქსირდა, რაც რა თქმა უნდა, არის ძალიან სასიხარულო ამბავი ჩვენთვის.
შესაბამისად, 6 თვის მაჩვენებელმა შეადგინა 12,8%. 6 თვეში ჩვენ გვქონდა უპრეცედენტო ზრდა ეკონომიკის. მინდა ასევე აღვნიშნო, რომ ჩვენ ბიზნესს მაქსიმალურად შევუწყობთ ხელს“, - განაცხადა პრემიერმა.
პრემიერის განცხადებას „ჯორჯიან თაიმსთან“ საუბარში ეკონომიკის ექსპერტი - გიორგი კეპულაძე გამოეხმაურა. მისი განმარტებით, ზოგადად, კრიზისებს რაღაც პერიოდის შემდეგ, ეკონომიკური აღმავლობა და ბუმი ახასიათებს.
„ჩვენს შემთხვევაში, როდესაც ვედრებით 2020 წელს, ცხადია, შარშანდელ ეკონომიკურ ვარდნასთან შედარებით, წელს გვექნება ზრდა, თუმცა, ეს რეალურად, სამწუხაროდ არაფერს გვაძლევს, ვინაიდან, ჩვეულებრივი მოქალაქეები ამას ვერ გრძნობენ. ფაქტია ის, რომ ჩვენ, ახლანდელი ეკონომიკის ზრდის დონეს შარშანდელ მძიმე წელს ვადარებთ“, - განაცხადა მან.
კეპულაძის განმარტებით, ადამიანების შემოსავლებზე, ასევე, კატასტროფულად მოქმედებს ინფლაცია. ამისთვის კი, საჭიროა ეკონომიკური ზრდა იყოს სტაბილური, მყარი და არა - წინა რთულ წელთან შედარებითი.
მისივე თქმით, მნიშვნელოვანია ის ფაქტორიც, რომ 2021 წლის ეკონომიკური ზრდა შევადაროთ 2019 წელს და ამ რიცხვებით ვიმსჯელოთ.
"სამწუხაროდ, იმ ეკონომიკურ გარემოებას, რაც ახლა ქვეყანაშია, მთლიანად ჭამს ინფლაცია, რაც 10 %-ს შეადგენს და გამოდის ისე, რომ მოქალაქეებს უფრო მეტის დახარჯვა უწევთ თავის გადასარჩენად, ვიდრე - შარშან და შარშანწინ უწევდათ“, - აღნიშნავს ის.
„თუმცა, გასაგებია მთავრობის წარმომადგენლებისაგან, წინასაარჩევნოდ რიცხვებით მანიპოულირება/ჯუნგლიორობა. ისინი ცდილობენ, რომ პოზიტიური სურათი დახატონ, თუ როგორ ვითარდება ქვეყნის ეკონომიკა, მაგრამ, ყველაფერს, საბოლოოდ, წყვეტს ხალხი, რომელიც, გაცილებით უკეთ აცნობიერებს, თუ რა ხდება მათ მაცივრებსა და ჯიბეებში.
თუ მოსახლეობას შემოსავალი არ ეზრდება, მხოლოდ რიცხვებში ასახული ეკონომიკა, - არაფრისმომცემი და ფუჭია“, - ამბობს გიორგი კეპულაძე.
ავტორ(ებ)ი : geotimes.com.ge
 |
 |
 |
 |
 |
თიბისი, როგორც მომხმარებელზე ორიენტირებული კომპანია, ცხოვრების მნიშვნელოვან მომენტებში მუდმივად ზრუნავს მის მომხმარებლებზე და მხარს უჭერს განსაკუთრებული შეთავაზებებით.
სექტემბერი 17 , 2025
22 - 23 ოქტომბერი - საქართველოს პრემიერ-მინისტრის პატრონაჟით დედაქალაქი რიგით მეხუთე საიუბილეო „თბილისის აბრეშუმის გზის ფორუმს" უმასპინძლებს. წარმომადგენლობით ღონისძიებაში მონაწილეობას მიიღებენ მაღალი რანგის პოლიტიკური პირები, ბიზნესსექტორის და საერთაშორისო ორგანიზაციების წარმომადგენლები: რეგიონის ქვეყნების პრემიერ-მინისტრები და ვიცე-პრემიერები, ასევე რეგიონსმიღმა ქვეყნების დარგობრივი მინისტრები, წამყვანი გლობალური კომპანიები, საერთაშორისო საფინანსო ინსტიტუტები და ასევე საერთაშორისო რანგის ექსპერტები. ფორუმს წელს 2000-მდე დელეგატი დაესწრება. „თბილისის აბრეშუმის გზის ფორუმი" უკვე დამკვიდრდა როგორც მაღალი დონის საერთაშორისო პლატფორმა როგორც სხვადასხვა ქვეყნების მთავრობებს შორის დიალოგისთვის, ისე სახელმწიფოებს, საერთაშორისო ორგანიზაციებსა და ბიზნესს შორის მრავალმხრივი ურთიერთობებისთვის. ფორუმი ასევე მნიშვნელოვანი სადისკუსიო პლატფორმაა, სადაც განიხილება საერთაშორისო სავაჭრო-ეკონომიკური ურთიერთობები, ევროპასა და აზიას შორის სატრანსპორტო-ლოგისტიკური კავშირების, მათ შორის: „შუა დერეფნის" მარშრუტის როლი და მისი ფუნქციის შემდგომი განვითარების საკითხები, ასევე ახალი პროგრამები და პროექტები სხვადასხვა სექტორული მიმართულებებით. „აბრეშუმის გზის ფორუმის" მთავარი თემა და სლოგანი წელს იქნება: Invest in Connectivity – Grow in Stability. წელს ფორუმის ფარგლებში დაგეგმილ სადისკუსიო სესიებსა და პანელებს მოდერატორობას გაუწევენ მსოფლიოს წამყვანი მედიების ცნობილი, საერთაშორისოდ აღიარებული წარმომადგენლები. „თბილისის აბრეშუმის გზის ფორუმი" 22 ოქტომბერს თბილისის ზაქარია ფალიაშვილის სახელობის ოპერისა და ბალეტის ეროვნულ თეატრში საქართველოს პრემიერ-მინისტრის სიტყვით გაიხსნება. 22 ოქტომბერს გაიმართება 7 თემატური სესია: ვაჭრობის, ტრანსპორტის, ენერგეტიკის, ციფრული ტექნოლოგიების მიმართულებით. 22 ოქტომბერსვე ჩატარდება საინვესტიციო ფორუმი. 23 ოქტომბერს აბრეშუმის გზის ფორუმის ფარგლებში შედგება თბილისის ფინანსური სამიტი, რომლის ოფიციალური გახსნის ცერემონიაში ფინტექის ინდუსტრიის ლიდერები მიიღებენ მონაწილეობას. ამასთან, 22-23 ოქტომბერს ფორუმის მონაწილე სხვადასხვა დარგის კომპანიების წარმომადგენლები ორმხრივ ბიზნეს შეხვედრებს გამართავენ. ფორუმში მონაწილეობის მსურველთათვის, ასევე მედიის წარმომადგენლებისთვის სავალდებულოა წინასწარი რეგისტრაცია: https://www.tbilisisrf.gov.ge/
სექტემბერი 16 , 2025
აშშ დოლარის ოფიციალური ღირებულება 2.7051 ლარი გახდა.
სექტემბერი 15 , 2025
