"ენერგორესურსების მაღალი ფასები, გადაჭარბებული ბიუროკრატია და გლობალური დაძაბულობა უზარმაზარ ზეწოლას ახდენს გერმანიის ეკონომიკურ მდგომარეობაზე", - ამის შესახებ საუბრობს გერმანიის ეკონომიკის მინისტრი კატერინა რაიხე, რომელსაც გამოცემა welt-ი იუწყება.

მინისტრი გერმანიის ეკონომიკის დაცემის შესახებ აფრთხილებს და ფართომასშტაბიანი რეფორმებისკენ მოწოდებას აკეთებს. მანვე ბერლინში საგარეო ვაჭრობის კონფერენციაზე განაცხადა: "ჩვენი ამჟამინდელი სტრუქტურები კონკურენტუნარიანი აღარ არის".

მისივე თქმით, გერმანია გლობალური დაძაბულობის ცენტრში აღმოჩნდა. გამოცემის მიხედვით, მინისტრმა არაერთხელ მიუთითა ფუნდამენტური რეფორმების ცატარებისკენ, რომლებიც ასევე საჭიროა ევროკავშირის დონეზე.

"ევროკავშირმა ყურადღება უნდა გაამახვილოს ძლიერი კონკურენციის მამოძრავებელ ძრავად გადაქცევაზე და საკუთარი თავი მარეგულირებელ დაბრკოლებად აღარ უნდა მიიჩნიოს" - რაიხემ ასევე მიუთითა მთავრობის მიერ საგადასახადო შეღავათების ზომებზე, როგორიცაა ე.წ. ინვესტიციების სტიმული. თუმცა, მანვე დასძინა, რომ ჯერ კიდევ გასარკვევია, საკმარისი იქნება თუ არა ეს ნაბიჯები.