​ისრაელის პოლიციის თანამშრომლებმა იერუსალიმის ლათინ პატრიარქს, კარდინალ პიერბატისტა პიცაბალას და წმინდა მიწის მცველს, მამა ფრანჩესკო იელპოს იერუსალიმში, აღდგომის ტაძარში ბზობის წირვის აღსანიშნავად მისვლაში ხელი შეუშალეს, - ამის შესახებ ინფორმაციას the times of israel-ი ავრცელებს. 

გავრცელებული ინფორმაციის თანახმად, რეგიონში ორი უმაღლესი კათოლიკე სასულიერო პირი ეკლესიაში კერძო წესით, მსვლელობის გარეშე მიემართებოდა.

„ეს ინციდენტი მძიმე პრეცედენტია და უგულებელყოფს მსოფლიოს მილიარდობით ადამიანის გრძნობებს, რომლებიც ამ კვირაში იერუსალიმისკენ არიან მიმართულნი", - აცხადებენ კათოლიკური ორგანიზაციები.

საპატრიარქო აცხადებს, რომ ისინი „სრული პასუხისმგებლობით მოქმედებდნენ და ომის დაწყებიდანვე იცავდნენ ყველა დაწესებულ შეზღუდვას".

„ეს ნაჩქარევი და ფუნდამენტურად არასწორი გადაწყვეტილება, რომელიც შეფერხებულია არასათანადო მოსაზრებებით, წარმოადგენს უკიდურეს გადახვევას გონივრულობის, თაყვანისცემის თავისუფლებისა და სტატუსკვოს პატივისცემის ძირითადი პრინციპებიდან", - აცხადებენ კათოლიკეები და გამოხატავენ „ღრმა მწუხარებას ქრისტიანი მორწმუნეების მიმართ წმინდა მიწაზე და მთელ მსოფლიოში იმის გამო, რომ ქრისტიანული კალენდრის ერთ-ერთ ყველაზე წმინდა დღეს ლოცვა ამგვარად იქნა აღკვეთილი".