ევროპის მასშტაბით გახშირებულ თავდასხმებზე, მათ შორის ბელგიასა და ნიდერლანდებში სინაგოგებსა და საფრანგეთში ამერიკულ ბანკზე თავდასხმებზე პასუხისმგებლობა აქამდე უცნობმა დაჯგუფება „აშაბ ალ-იამინმა" აიღო. ამერიკული მედია აღნიშნავს, რომ აღნიშნული დაჯგუფება ირანთანაა დაკავშირებული და ის სულ რაღაც, ერთი თვის წინ ჩამოყალიბდა.

გამოცემა „ფაინენშალ ტაიმსი" აღნიშნავს, რომ ახლო აღმოსავლეთში შექმნილი ვითარების ფონზე ეს თავდასხმები შესაძლოა, იმის მანიშნებელი იყოს, რომ ირანმა ევროპაში ეგრეთ წოდებული ჰიბრიდული ომი დაიწყო.