აშშ-ის პრეზიდენტი დონალდ ტრამპი უნგრელებს საპარლამენტო არჩევნებში ვიქტორ ორბანისთვის ხმის მიცემისკენ მოუწოდებს.

„2026 წლის 12 აპრილი, კვირა, არჩევნების დღეა. გადით და ხმა მიეცით ვიქტორ ორბანს. ის ნამდვილი მეგობარი, მებრძოლი და გამარჯვებულია, მას აქვს ჩემი სრული და ყოვლისმომცველი მხარდაჭერა უნგრეთის პრემიერ-მინისტრის თანამდებობაზე ხელახლა არჩევისთვის. ვიქტორ ორბანი არასდროს გაუცრუებს იმედს უნგრეთის დიდებულ ხალხს. მე მას ბოლომდე ვგულშემატკივრობ“, – წერს ტრამპი სოციალურ ქსელში.

როგორც ტრამპმა აღნიშნა, ვიქტორ ორბანი ძლიერი და გავლენიანი ლიდერია, რომელმაც დაამტკიცა, რომ შეუძლია, შთამბეჭდავ შედეგებს მიაღწიოს.

„უნგრეთის უაღრესად პატივცემული პრემიერ-მინისტრი ვიქტორ ორბანი ნამდვილად ძლიერი და გავლენიანი ლიდერია, რომელსაც ფენომენალური შედეგების მიღწევის დადასტურებული გამოცდილება აქვს. ის დაუღალავად იბრძვის და უყვარს თავისი ქვეყანა და ხალხი, ისევე როგორც მე ამერიკის შეერთებული შტატები. ვიქტორი ბევრს შრომობს უნგრეთის დასაცავად, ეკონომიკის გასაზრდელად, სამუშაო ადგილების შესაქმნელად, ვაჭრობის ხელშეწყობისთვის, არალეგალური მიგრაციის შესაჩერებლად და კანონისა და წესრიგის უზრუნველსაყოფად. უნგრეთსა და შეერთებულ შტატებს შორის ურთიერთობებმა თანამშრომლობის ახალ სიმაღლეებს მიაღწია და ჩემი ადმინისტრაციის დროს სანახაობრივი მიღწევები მოიპოვა, დიდწილად პრემიერ-მინისტრ ორბანის წყალობით. მოუთმენლად ველი მასთან მჭიდრო თანამშრომლობის გაგრძელებას, რათა ჩვენმა ორივე ქვეყანამ შეძლოს წარმატებისა და თანამშრომლობისკენ მიმავალ ამ უზარმაზარ გზაზე წინსვლა. მე ვამაყობდი, რომ ვიქტორს 2022 წელს ხელახლა არჩევნებში დავუჭირე მხარი და ჩემთვის დიდი პატივია კიდევ ერთხელ ამის გაკეთება“, – წერს ტრამპი.