პარლამენტმა ხმათა უმრავლესობით, უზენაესი სასამართლოს მოსამართლეობის ოთხივე კანდიდატს მხარი დაუჭირა. პარლამენტის გადაწყვეტილებით, უზენაეს სასამართლოში უვადოდ დაინიშნენ: ნინო სანდოძე, თეა ძიმისტარაშვილი, გენადი მაკარიძე და თამარ ოქროპირიძე.

პლენარულ სხდომაზე გამართული კენჭისყრის შედეგები ასეთია:

გენადი მაკარიძე - 81 მომხრე, 5 - წინააღმდეგი;

თამარ ოქროპირიძე - 81 მომხრე, 5 - წინააღმდეგი;

ნინო სანდოძე - 80 მომხრე, 5 - წინააღმდეგი;

თეა ძიმისტარაშვილი 81 მომხრე, 5 - წინააღმდეგი;

მანამდე მათ მხარდაჭერა იურიდიულ საკითხთა კომიტეტში გამოუცხადეს.