საპარლამენტო უმრავლესობის წევრის, შალვა პაპუაშვილის განცხადებით, „ნაციონალურ მოძრაობაში“ მიხეილ სააკაშვილს აღიქვამენ, როგორც ტვირთს.

მისი თქმით, როგორც ჩანს, "ნაციონალურ მოძრაობაში" არის მცდელობა, რომ ეს ტვირთი მოიცილონ.

 „გარკვეულწილად, ამ ტვირთის მოცილების პროცესი იწყება. ვნახეთ, მიხეილ სააკაშვილის ოჯახიც საუბრობდა იმაზე, რომ როგორც ჩანს, ბევრისთვის „ნაციონალურ მოძრაობაში“ სააკაშვილი ტვირთია გამხდარი და ხდება მისი, როგორც ტვირთის მოცილება“, – განაცხადა  შალვა პაპუაშვილმა.