საქართველოს საერთაშორისო ფინანსურ ჰაბად გადაქცევასთან დაკავშირებით როტშილდების ფონდთან უკვე კონკრეტული მუშაობა დაიწყო.
სანამ ოპოზიცია NDI-ს კვლევებში საკუთარი პარტიების დასახელებებს ვერ პოულობს, ხელისუფლება მუშაობს თავისი გეგმით.
იქნებ თქვენც ჩაერთოთ?!, - ასე მიმართავს ანალიტიკოსი ამირან სალუქვაძე ოპოზიციას სოციალური ქსელით.
"თუ გგონიათ საბიუჯეტო დაფინანსება ქუჩაში საძიძგილაოდ გაქვთ, გეშლებათ.
შეაყარე კედელს ცერცვი.
სხვათაშორის, ფინანსებს ეხება, ლარის გამყარება გრძელდება. დღეს 1USD ღირდა 3,04-3,05.
NDI წერს როცა ლარი პანიკირად ეცემოდა და რეკორდულ 3,46-ს მიაღწია, ხალხი უფრო კმაყოფილი იყო მთავრობითო. ანუ, NDI-ს აზრით, ლარის გამყარება, ეკონომიკის გამოცოცხლება, ონლაინ კაზინოების დახურვა და ფარმაცევტულ მონოპოლიებზე შეტევა ხალხს არ მოსწონს. ისე, ცალკე პოსტის თემაა", - წერს სალუქვაძე.
ცნობისათვის, საქართველოს მსოფლიოს ერთ-ერთი უმსხვილესი ფინანსური ჯგუფის Rothschild & Co-ს დელეგაცია ეწვია, რომელმაც ქვეყნის რეგიონულ ფინანსურ ჰაბად გარდაქმნის სტრატეგიაზე მუშაობა დაიწყო.
შესაბამის ხელშეკრულებას ხელი საქართველოს მთავრობასა და Rothschild & Co-ს შორის ბრიუსელში პრემიერ-მინისტრ ირაკლი ღარიბაშვილის ვიზიტისას მოეწერა.
დელეგაციას, რომელსაც კომპანიის მმართველი დირექტორი, არიელ მალარდ დე როტშილდი ხელმძღვანელობს, მთავრობის მეთაური დღეს მთავრობის ადინისტრაციაში შეხვდა.
ავტორ(ებ)ი : geotimes.com.ge