ცხრა სტუდენტი საქართველოდან ამერიკის შეერთებულ შტატებში ამ ზაფხულს გაემგზავრება და მაგისტრატურაზე სრული დაფინანსებით ისწავლის  - ამის შესახებ ინფორმაციას საქართველოში ამერიკის საელჩო ავრცელებს.

„ვულოცავთ გოგა ქათალანძეს, გიორგი გვასალიას, გიორგი რევიშვილს, ანა მიქაძეს, თეა ნათელაურს, მარიამ ლაცაბიძეს, ანა სარუხანოვს, სალომე ბახსოლიანს და ნათია ქანთარიას ფულბრაიტის 2022 წლის სამაგისტრო პროგრამაში გამარჯვებას! ცხრა სტუდენტი საქართველოდან ამერიკის შეერთებულ შტატებში ამ ზაფხულს გაემგზავრება და მაგისტრატურაზე სრული დაფინანსებით ისწავლის.

ასევე, დიდი მადლობა 2021 წლის ფულბრაიტის მონაწილე სოფიკო არჯევანიძეს, გამოცდილების გაზიარებისთვის“ ,-  ნათქვამია საელჩოს მიერ გავრცელებულ ინფორმაციაში.

2023-24 ფულბრაიტის სამაგისტრო პროგრამაში მონაწილეობისთვის, შეგიძლიათ  ეწვიოთ ბმულს: https://go.usa.gov/xHmfF