კოლუმბიელი მომღერალი შაკირა და ესპანელი ფეხბურთელი ჟერარ პიკე დაშორდნენ. ამის შესახებ Dailly Mail-ი წერს.

გამოცემის ინფორმაციით, შაკირამ ფაქტთან დაკავშირებით განცხადება გაავრცელა:

„მწუხარებით ვადასტურებთ, რომ მე და პიკე ვშორდებით. ჩვენი ბავშვების კეთილდღეობისთვის, რომლებიც ჩვენთვის უზენაესი პრიორიტეტი არიან, გთხოვთ პატივი სცეთ ჩვენს პირად ცხოვრებას“.

45 წლის შაკირა და 35 წლის პიკე თითქმის 12 წელი იყვნენ ერთად. რამდენიმე დღის წინ, მედიაში გავრცელდა ინფორმაცია, რომ პიკემ შაკირას უღალატა.