დღეს ტოკიოში  სუმოს სუპერტურნირი დაიწყო, რომელიც 24 ივლისის ჩათვლით გაიმართება.

აღსანიშნავია, რომ ქართველი მებრძოლი ლევან გორგაძე, იგივე ტოჩინოშინი, რომელიც აღმოსავლეთის მე-8 მაეგაშირას წოდებით ასპარეზობს, პირველ შეხვედრაში მე-7 მაეგაშირა ჰოკუტოფუჯის შეხვდა, რომელთანაც ტოჩინოშინს აქამდე 5 მოგება და 6 მარცხი ჰქონდა. ტოჩინოშინმა მეტოქე ჰატაკიკომის ილეთით დაამარცხა.

ხვალ გორგაძის მეტოქე მე-7 მაეგაშირა ოკინოუმი იქნება, რომელმაც ტოჩინოშინისგან განსხვავებით, ნაგოია ბაშოზე თავისი პირველი შეხვედრა წააგო.