ბევრი ადამიანისთვის ჯანსაღი კვება შრომატევადი საქმეა და დიახ, ეს ნამდვილად ასეა. მაშინ, როდესაც სამყარო სავსეა დიდებული ბურგერებით, წელვადი ყველით დაფარული პიცებით, მრავალნაირი ტკბილეულით და საოცარი საკონდიტრო ნაწარმით, რატომ უნდა შევწუხდეთ ოდესმე ჯანსაღი სალათის ჭამით? ეს კითხვა ნამდვილად არსებობს, მაგრამ შედეგი სადამდეც არასწორმა კვებამ შეიძლება მიგვიყვანოს არასასურველია, ამიტომ თანამედროვე ადამიანების ცხოვრების სტილი გარკვეულწილად შეიცვალა, სადაც მნიშვნელოვანი ყურადღება სწორედ ჯანმრთელობასა და ჯანსაღ კვებას ეხება.

დაწყებულ აზრს, რომ დავუბრუნდეთ იკვებო ჯანსაღად ნამდვილად არაა მარტივი. პირველ ეტაპზეც კი საკმაოდ ბევრ წინაღობას ვაწყდებით, საწყის ეტაპზე შესაძლოა საკმაოდ მარტივი ფაქტორები იქცეს წინაღობებად:

· მოტივაციის არ ქონა

· დროის არ ქონა

· არასწორი ან ნაკლები ინფორმაცია

· მატერიალური რესურსი

· სკეპტიციზმი

ეს ის მცირე ჩამონათვალია, რამაც შეიძლება ინდივიდუალურად ხელი შეუშალოს იმას, რომ ადამიანმა დაიწყოს სწორი კვება და იკვებოს ჯანსაღად, მაგრამ ერთ-ერთი ყველაზე მკვეთრად გამოკვეთილი ხელშემშლელი ფაქტორი ჯანსაღ კვებასთან დაკავშირებული მითებია.

1. ჯანსაღი კვება ძალიან ძვირია

პიცით, ლობიანებით და ხაჭაპურებით ვახშამი უდავოდ იაფია. მაგრამ ერთი თასი ლობიო , შვრია და ბრინჯი ვაშლთან ერთად უფრო იაფია. USDA-ს მიერ ჩატარებულმა კვლევამ აჩვენა, რომ წყალი უფრო იაფია, ვიდრე გაზიანი სასმელები, საშუალოდ მთლიანი ქათმით მომზადებული სადილი უფრო იაფი ჯდება ვიდრე ძეხვეულისა და სოსისების ჭამა, ხოლო მთლიანი ხილი უფრო იაფია, ვიდრე დამუშავებული ტკბილეული. ერთი კვირის განმავლობაში ლობიოს დიდი ქოთნის მომზადება შეიძლება არ იყოს ერთი შეხედვით მომხიბვლელი, მაგრამ ეს გაცილებით იაფია და ნაკლებად შრომატევადი, ვიდრე თუნდაც ნახევარფაბრიკატების მომზადება.

2. საუზმე დღის ყველაზე მნიშვნელოვანი კვებაა

„საუზმეში განსაკუთრებული არაფერია“- სწორედ ამას გვეუბნებიან ენდოკრინოლოგები. პირველი საკვები, რომელსაც დღის განმავლობაში პირველად მიირთმევთ, ტექნიკურად საუზმეა, მაგრამ არ არის საჭირო ადრე მოხმარება ან გარკვეული სახის საკვების მიღება, თუ დილით არ გშიათ, შეგიძლიათ გამოტოვოთ ეს კვება და პირდაპირ ლანჩზე გადახვიდეთ.

3. ცხიმიანი საკვები წონაში მოგმატებთ

ალბათ ბევრისგან მოგისმენიათ, რომ ჯანსაღი და სწორი კვების დროს, ცხიმიანი საკვების მიღება დაუშვებელია, ვინაიდან ის პირდაპირ ცხიმად გარდაიქმნება და წონის მატებას ხელს შეუწყობს. რეალურად ეს იდეა, თავისი არსით ყველაზე დიდი მითია, რომელიც არასწორი ინფორმაციის შედეგად არის გავრცელებული, დაბალანსებული და სწორი კვების დროს ცხიმიანი საკვების მიღება ისევე საჭიროა, როგორც ნახშირწყლებისა და ცილების. მთავარი ფაქტორი რაც ხშირად გვავიწყდება არის ბალანსი და ნორმა, ცხიმიანი საკვების მიღება სრულიად დასაშვები და მისაღებია მაგრამ საჭიროა ზომიერება.

4. ნატურალური წვენი ჯანსაღია

დამეთანხმებით, ხშირად გაგვიგია, რომ ნატურალური წვენის დალევა უფრო სასარგებლოა, ვიდრე ხილისა და ბოსტნეულის ჭამა, მაგრამ ეს ასე არ არის. წვენში ბევრი შაქარია და ზოგიერთი წვენის პროდუქტი შეიცავს იმდენ შაქარს, რამდენიც გაზიანი სასმელები. როდესაც ხილისგან დამზადებულ წვენს სვამთ, ნაცვლად იმისა, რომ თავად მიირთვათ ხილი, გაცილებით მეტ კალორიას იღებთ. ხილის ნაჭრის ჭამა მოგცემთ ბოჭკოებს, რომლებიც გეხმარებათ თავი სრულფასოვნად იგრძნოთ და უზრუნველყოფს აუცილებელ ვიტამინებს.‌ უფრო მეტიც, ჯანსაღი კვების ინდუსტრია ხშირად ყიდის წვენს, როგორც „გასუფთავებას“ ან „დეტოქსიკაციას“. თქვენს სხეულს უკვე აქვს დეტოქსიკაციის სისტემები, რომლებიც ძალიან კარგად მუშაობენ, მათ შორის თირკმელები და ღვიძლი. არ არსებობს მტკიცებულება, რომ თქვენ გჭირდებათ გაწმენდა ან რომ წვენები სასარგებლოა. თქვენი ბუნებრივი დეტოქსიკაციის სისტემები.

5. დღის გარკვეული პერიოდის შემდეგ ჭამა იწვევს წონაში მატებას

ალბათ გაგიგიათ მეთოდი, რომლის მიხედვითაც ადამიანები 6-ის მერე არ ჭამენ, რეალურად ყველაზე მნიშვნელოვანია ვიცოდეთ,თუ რამდენს ჭამთ, რას მიირთმევთ დღის განმავლობაში და რამდენ ფიზიკურ დატვირთვას იღებთ მთელი დღის განმავლობაში. თქვენ კვლავ უნდა შეზღუდოთ მაღალკალორიული საკვების მიღება ძილის წინ, რადგან ამ საკვებმა შეიძლება გამოიწვიოს საჭმლის მონელება და ძილის პრობლემები, რაც აჩენს ალბათობას იმის შესახებ, რომ მომდევნო დღეს მოგიწევთ ჯანსაღი კვებიდან გადახვევა.

წყარო