16:33 01.03.2020
„იქნება საარჩევნო სისტემაზეც საუბარი, კორონავირუსზეც და საზღვრებთან არსებულ მდგომარეობაზეც”

"ქართული ოცნება - დემოკრატიული საქართველოს" ცენტრალურ ოფისში უმრავლესობის სხდომა მიმდინარეობს. როგორც შეხვედრის დაწყებამდე პარლემენტის ჯანდაცვისა და სოციალურ საკითხთა კომიტეტის თავმჯდომარის მოადგილემ, ლადო კახაძემ ჟურნალისტებს განუცხადა, შეხვედრაზე უმრავლესობის წევრები, საარჩევნო სისტემის თაობაზე იმსჯელებენ. მისივე თქმით, შეხვედრაზე განიხილავენ კორონავირუსთან და ქვეყანაში არსებულ ყველა სხვა მიმდინარე მოვლენებთან დაკავშირებულ საკითხებსაც.

 

“ყველა მიმდინარე საკითხზე და ქვეყანაში არსებული მდგომარეობის შესახებ იქნება საუბარი, როგორც პოლიტიკურ ველზე, ასევე ეკონომიკურ, სოციალურ, მედიკო-ბიოლოგიურ ველზე იქნება საუბარი და ყველა გამოწვევაზე, რომელიც არის, რადგან ჩვენ ვართ ახალი წლის პირველი შეხვედრის მონაწილეები. ახალი წლების შემდეგ რა ვითარებაა, როგორ დალაგდა სიტუაცია, სად არის გამოწვევები, ამაზე იქნება საუბარი. გავიგებთ ინფორმაციას, აზრებს და შემდეგ საერთო შეჯერებული აზრით გამოვალთ და გეტყვით რაზეც ვილაპარაკეთ. რასაკვირველია, იქნება საარჩევნო სისტემაზეც საუბარი, კორონავირუსზეც და ასევე, საზღვრებთან არსებულ მდგომარეობაზე”,- განაცხადა კახაძემ.




ავტორ(ებ)ი : geotimes.ge