ბლოგერი დავით ზარდიაშვილი სოციალურ ქსელში წერს:
"ოპოზიციის "აბდა-უბდა -გადასკუპდა, ვინ სად იყო, სად დასკუპდა" ამბები:
ალეკო ელისაშვილმა - გიორგი ვაშაძე ვანო ჩხარტიშვილის სიძეაო, ხოლო ვანო ჩხარტიშვილი, მოგეხსენებათ, ბიძინას ბიზნეს-პარტნიორიო.
გიორგი ვაშაძემ პასუხი არ დააყოვნა, კატეგორიულად უარჰყო ეს ბრალდება. სიტყვა-სიტყვით ასე ბრძანა:"ესაა სიბინძურის ნთხევის ნაცადი ხერხი. ვანო ჩხარტიშვილის სიძე არ ვარ, ისაა ჩემი სიდედრის ძმა, ამას ვადასტურებ."
ამრიგად, აღმაშენებლურ-სტრატეგიულად დაგვიმტკიცა ვაშაძემ ძველი მამა-პაპური სიბრძნე "ბრიყვს სიდედრის ძმა სიმამრი ეგონაო!"
ასევე ისიც დაამტკიცა ვაშაძემ, რომა - "ელისაშვილი პოლიტიკური კინტოაო!"
რაღა გვეთქმის?
ახლა ყველასთვის ნათელია, როგორც "კავკასიური ცარცის წრის" ფინალში - "ვინ არის ამ ბავშვის ნამდვილი დედა", ანუ - ვისი ვისაშია, სიდედრის ძმობის პოლიტიკურ გაგებაში სიძეობა არ მოსულა, ხოლო კინტაურის ამბავში ვინ საით უბერავს.. .
სიდედრის ძმის სიძე ვაშაძე პოლიტიკურად ხან არის და ხან არა, მაგრამ რაც არის, ის ხომ უეჭველად არის - სტრატეგია "აღმაშენებლის" ავტორია!
იოსებ ნონეშვილი ცოცხალი რომ იყოს, ამ ლექსს მიუძღვნიდა:
"შენ საქართველოს სტრატეგობა დაგშვენდებოდა…
დაგშვენდებოდა და რარიგად დაგშვენდებოდა,
შენს ერთ სიტყვაზე ქალაქები აშენდებოდა
და დაიწყებდა უდაბნოში შრიალს წალკოტი,"- წერს ის.
ავტორ(ებ)ი : Geotimes.ge