ბელარუსის შსს-ს ცნობით, მინსკში არეულობის დროს ერთი ადამიანი დაიღუპა. ინციდენტი პრიტიცკის ქუჩაზე მოხდა. მათივე ინფორმაციით, მომიტინგეები ბარიკადებს აშენებდნენ, სპეცრაზმელებმა მათ ხელი შეუშალეს, რა დროსაც აქციის ერთ-ერთი მონაწილე შეეცადა სამართალდამცავების მიმართულებით უცნობი ასაფეთქებელი მოწყობილობა გადაეგდო. ის აფეთქდა და მამაკაცმა სოცოცხლესთან შეუთავსებელი ტრავმები მიიღო. როგორც შსს-ში აცხადებენ, მომხდარის ადგილზე საგამოძიებო ჯგუფი მუშაობს.