საქართველოს მთავრობის მიერ დაანონსებულ ინფორმაციას, 1 ნოემბრიდან, ევროპის 10 ქვეყანაში საჰაერო მიმოსვლის აღდგენის შესახებ, პოლიტიკური სტრატეგიის ნაწილად მიიჩნევს ტურიზმის სფეროს ექსპერტი ვატო ასათაშვილი. ფრენების აღდგენა ქვეყანას ეკონომიკურ სარგებელს ვერ მოუტანს,  მით უფრო ახლა, როცა ტურისტული სეზონი დასრულდა და საქართველოში ეპიდვითარება საკმაოდ გართულებულია - აღნიშნავს ექსპერტი ,, ჯორჯიან თაიმსთან'' საუბარში.

,,მთავრობის მიერ გადადგმული ეს ნაბიჯი, არც ტურიზმის აღდგენისა და არც ეკონომიკის გაჯანსაღებისკენ არაა მიმართული. რეისების აღდგენა საქართველოს მოქალაქეების სამშობლოსი ჩამოყვანას უფრო ემსახურება, რაც  პოლიტიკური სტრატეგიის ნაწილია და კონკრეტულ ინტერესს ემსახურება - აღნიშნავს ექსპერტი.

მისი თქმით, საქართველოში დღეს არსებული ეპიდვითარებიდან გამომდინარე გამორიცხულია, ვიზიტორების შემოსვლა ქვეყანაში, ამ ეტაპზე, ჩვენ უფრო წარმოვადგენთ საფრთხეს მათთვის ვიდრე პირიქით.