საქართველოს მეოთხე პრეზიდენტი გიორგი მარგველაშვილი პარტიულ აქტივისტებს მოუწოდებს თითოეული ხმის დაცვისაკენ. როგორც მან „ჯორჯიან თაიმსს“ განუცხადა, ხმები უნდა დაიცვან აქტივისტებმა.
შეკითხვას დათმობს თუ არა ძალაუფლებას ხელისუფლება, ექს-პრეზიდენტი აცხადებს, რომ „დათმობს ისევე, როგორც დათმო შევარდნაძემ და სააკაშვილმა“. „არ მგონია დიდი დისკუსიები გაიმართოს. როგორც კი ხალხის ნება დაფიქსირდება, ისევე ადვილად დათმობ, როგორც მისმა წინამორბედებმა დათმეს“ - განაცხადა გიორგი მარგველაშვილმა.
მან „ჯორჯიან თაიმსთან“ საუბრისას ასევე შეაფასა საარჩევნო პროცესი სასიამოვნოდ ენიშნა საარჩევნო უბნებთან აქტივობა, მაგრამ არასასიამოვნო და ცუდად სანახავი იყო დღის მეორე ნახევარში განვითარებული მოვლენები. „ზედმეტად ცუდი სტანდარტია კრიმინალების ნახვა და უარყოფითი ემოციების მოჭარბება. რაც მთავარია, არჩევნების შედეგებს ეს არ ცვლის, ცვლის და აზიანებს მხოლოდ ქვეყნის მიმართ შეხედულებებს“ - განაცხადა მარგველაშვილმა.
ავტორ(ებ)ი : geotimes.ge