ყველა მოლაპარაკებაში, შარშანაც და წლეულსაც, პარლამენტის თავმჯდომარე არჩილ თალაკვაძე მონაწილეობდა. ბოლოს ირაკლი კობახიძე შეუერთდა, რადგან საკონსტიტუციო ცვლილებებზე უნდა ემსჯელათ. ამით ახსნეს მაშინ მოლაპარაკებების პროცესში კობახიძის ჩართვა. მხოლოდ ერთხელ, პრეზიდენტის რეზიდენციაში ევროპული საბჭოს პრეზიდენტთან, შარლ მიშელთან შეხვედრაზე იყო პრემიერ-მინისტრი ირაკლი ღარიბაშვილი და, თუ გახსოვთ, მაშინაც გამიკვირდა, რატომ არ ესწრებოდნენ ამ შეხვედრას თალაკვაძე და კობახიძე. ჰოდა, ოპოზიციონერები ახლა რომ მოითხოვენ, ირაკლი ღარიბაშვილი არ ჩაერთოს მოლაპარაკებების პროცესშიო, ვინ თქვა, რომ ჩაერთვებოდა?! აბა, გამახსენეთ, 2020 წლის 8 მარტის შეთანხმების წინ ან 31 ოქტომბრის შემდგომ, რომელ მოლაპარაკებაში მონაწილეობდა მაშინდელი პრემიერ-მინისტრი გიორგი გახარია? არ მონაწილეობს ოპოზიციის პარლამენტში შესვლის პირობების განხილვაში პრემიერ-მინისტრი ირაკლი ღარიბაშვილი და რას ითხოვთ?!