დღე: 26

ღამე: 14

USD 2.6711

EUR 2.8453

ჭოპორტულ პამიდორს რომ ეძახით, მას ჰქვია"მუზარადი", იგი დაიბადა რველში და ჭოპორტში პაპამ დაარაიონა - ლევან თაქთაქიშვილი 12.06.2021 22:10

 ეროვნული ბიბლიოთეკის საბიბლიოთეკო რესურსების დეპარტამენტის დირექტორი ლევან თაქთაქიშვილი საინტერესო ამბავს აცნობს საზოგადოებას: 


ჩემი პაპა გიორგი თაქთაქიშვილი. ჭოპორტულ პამიდორს რომ ეძახით, მას ჰქვია"მუზარადი" ეს პამიდორი დაიბადა რველში 1900 წელს. ჭოპორტში პაპამ დაარაიონა. აფსუს მისი გემო! მისი გამოყვანილია კომბოსტო "იდეალი", ხახვი "რეკორდი", ნესვი"რველის მშვენება", უსარო ლობიოს ჯიშები და კიდევ სხვა ჯიშები. დაარაიონა ვაშლის ჯიშები ქართლში. მის ბაღში ნახავდით მაშინ მსოფლიოში ცნობილ ისეთ ჯიშებს, რომლებიც დღეს მხოლოდ ჩვენს ბაღში შემორჩა. ერთ ვაშლის ჯიშს " ბისმარკი " ჰქვია, უგემრიელესია "ლაზბერგი", ცნობილი ჯიშებიდან " ცარსკი" , ბროცკი( შამპანური რენეტი), კანადური რენეტი( მას ანტონოვკას ეძახიან დღეს, მაგრამ ანტონოვკა საზიზღარი ჯიშია, მიჩურინის გამოყვანილი. კანადური რენეტი გარეგნულად გავს "ანტონოვკას". მხოლოდ გარეგნულად. საბჭოთა დროს ეს ვაშლი გასაყიდად რუსეთში იგზავნებოდა, ამიტომ რუსები რასაც ეძახდნენ, ის დაუძახეს ჩვენთანაც. მთავარია, გაყიდულიყო. პაპა კანადურ რენეტს ეძახდა. მას რენეტები ჰქონდა ფრანგული, ანანასის, შამპანური.... აფასებდა კეხურას და ბაბოვოეს, რომელიც შენახვით მაისამდე ძლებს. გიორგი პაპამ თავის ბაღით მეფურად იცხოვრა. კოლმეურნეობაზე მეტი მოსავალი მოყავდა საკარმიდამო ბაღში. დაიბადა სოფელ ხვითში, იქ ისწავლა მებაღეობა ცნობილი მებაღეებისაგან: ისაია ფურცელაძისა და მაჩაბლისაგან. რველში 18 წლის წამოვიდა, დაიწყო ბაღის გაშენება 1898 წელს, 1910 წელს გაჩეხა და თავიდან გააშენა, რადგან ჯიშები ვერ შეეგუენ გარემოს. აწარმოებდა ყოველდღიურ ჩაწერას ტემპერატურისა და ამ მონაცემებზე დაყრდნობით წინასწარმეტყველებდა ჩითილების დარგვის, ვაშლის მორწყვისა და შეწამვლის დაგეგმვას. სტალინს ყოველწლიურად უგზავნიდნენ გორიდან ვაშლს კრემლში. 1946 წელს გორში მოსავალი არ ყოფილა და პაპასგან იყიდა სახელმწიფომ ვაშლი და არა კოლმეურნეობიდან. თვითონვე მოიყვანეს მკრეფავები. პაპა აკონტროლებდა: ხეები არ დაეზიანებიათ. ფრჩხილებიც შეუმოწმა, ვაშლი არ დაეზიანრბიათ. სტალინის გარდაცვალება რომ უთხრეს, გაზეთი მომიტანეთო. უნახავს და უთქვამს: ერთი კოლმეურნეობის დაშლასაც მომასწრო და მთელ სოფელს სუფრას გავუშლიო. მხარს არ უჭერდა მცირემიწიან რაიონებში კოლმეურნეობების შექმნას. ერთიც უნდა ვთქვათ: აღიარებდა საბჭოთა მიღწევებს სოფლის მეურნეობებში, აკრიტიკებდა მთავრობას ყურძნის ზვრების გვერდით ქართლის ვაშლის ბაღების არდაყენების გამო. ზვრების გაშენებას რამდენიმე წელი სჭირდება, ვაშლისას კი 10 წელიო. ვაშლის დარაიონების მეფე იყო 40 წელზე მეტი. გარდაიცვალა 1965 წელს 89 წლის. დაკრძალულია თავის ბაღში .

ავტორ(ებ)ი : geotimes.ge

ბოლო სიახლეები
 
 
 
 
 
 
 
 
 
 

 

 

ასევე დაგაინტერესებთ