ტუნისის სანაპიროსთან გემის ჩაძირვის შედეგად სულ მცირე 17 მიგრანტი დაიღუპა, - ინფორმაციას Reuters-ი ტუნისის წითელი ნახევარმთვარის საზოგადოებაზე დაყრდნობით ავრცელებს.

გავრცელებული ინფორმაციით, დაღუპულები ბანგლადეშელი მიგრანტები არიან, რომლებიც ლიბიიდან იტალიაში გადასვლას ხმელთაშუა ზღვის გავლით ცდილობდნენ.

ამასთან, მაშველებმა 380 ადამიანის გადარჩენა შეძლეს.