28 ივლისს ჰეპატიტების მსოფლიო დღე აღინიშნება.
საქართველოში მოქმედი C ჰეპატიტის ელიმინაციის პროგრამის ანალოგი მსოფლიოს არც ერთ ქვეყანაში არ განხორციელებულა.
C ჰეპატიტის ელიმინაციის პროგრამის ფარგლებში პროგრამაში ჩართვა, დიაგნოსტიკა და მკურნალობა ყველა პაციენტისთვის არის სრულიად უფასო. უფასოდაა ხელმისაწვდომი უახლესი თაობის ძვირადღირებული მედიკამენტები.
C ჰეპატიტის ელიმინაციის სახელმწიფო პროგრამაში 74 000-ზე მეტი მოქალაქე ჩაერთო, ხოლო მკურნალობა 70 500-ზე მეტმა მოქალაქემ დაასრულა. განკურნების მაჩვენებელია 98.9%.
C ჰეპატიტის ელიმინაციის სახელმწიფო პროგრამა 2015 წლის 21 აპრილს ამოქმედდა. პროექტი ხორციელდება ამერიკის შეერთებული შტატების დაავადებათა კონტროლის ცენტრისა და მედიკამენტის მწარმოებელი კომანია „გილეად"-ის მხარდაჭერით.
საქართველომ 2019 წლის დასაწყისში მიიღო ჯილდო და აღიარებულ იქნა, როგორც C ჰეპატიტის ელიმინაციის სანიმუშო ქვეყანა.
ჰეპატიტის მსოფლიო დღე ჯანმრთელობის მსოფლიო ორგანიზაციის მიერ დაწესებულ გლობალურ საზოგადოებრივი ჯანმრთელობის დღეებს შორის ერთ-ერთია, 2021 წელს , 28 ივლისი აღნიშნება სლოგანით - „იCოდე, ჰეპატიტი არ იCდის“.
ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს.
ავტორ(ებ)ი : Geotimes.com.ge