საქართველოს მართლმადიდებლური ეკლესია დღეს წმინდა ილია მართალს იხსენიებს.
„დღეს საქართველოს მართლმადიდებელი ეკლესია წმინდა ილია მართალს იხსენიებს - დიდ ქართველ მოღვაწეს, მწერალს, ჟურნალისტს, მე-19 საუკუნის მეორე ნახევრის ეროვნულ-განმათავისუფლებელი მოძრაობის თავკაცს, „ერის სულიერ მამად“ წოდებულს, რომელიც დამოუკიდებლობისთვის ბრძოლაში ჩვენი თავისუფლების სიმბოლოდ იქცა. ილია ჭავჭავაძე, როგორც წმინდა ილია მართალი, 1987 წელსაა კანონიზებული და ქართული მართლმადიდებლური ეკლესია მას ყოველ 2 აგვისტოს მოიხსენიებს“.
დღეს ასევე, სრულიად საქართველოს კათალიკოს-პატრიარქის, ილია II-ის ანგელოზის დღეა.
რელიგიის საკითხთა სახელმწიფო სააგენტო ულოცავს მის უწმინდესობას ანგელოზის დღეს და საქართველოს საკეთილდღეოდ ჯანმრთელობასა და დიდხანს სიცოცხლეს უსურვებს“, - ნათქვამია სააგენტოს მიერ გავრცელებულ ინფორმაციაში.
ავტორ(ებ)ი : geotimes.com.ge