ისრაელის ძალებსა და პალესტინელ შეიარაღებულ პირებს შორის დასავლეთ სანაპიროზე შეიარაღებული დაპირისპირება მოხდა, რის შედეგადაც სულ მცირე ოთხი პალესტინელი დაიღუპა, - ამის შესახებ ინფორმაციას Reutrers-ი პალესტინელ ოფიციალურ პირზე დაყრდნობით ავრცელებს.
სააგენტოს ცნობით, ინციდენტი ქალაქ ჯენინში მოხდა. ისრაელის პოლიციაში აცხადებენ, რომ პალესტინელებად გადაცმულ სპეცრაზმს დაკავების ოპერაციისას თავდამსხმელებმა ცეცხლი გაუხსნეს.
„საპასუხო ცეცხლის გახსნის შედეგად ტერორისტების ნეიტრალიზება განხორციელდა,“- აცხადებენ ისრაელის პოლიციაში.
ჯენინის გუბერნატორის ინფორმაციით, სულ მცირე ოთხი პალესტინელი გარდაიცვალა. ისრაელის პოლიციაში კი აცხადებენ, რომ ორმხრივი სროლის შედეგად ისრაელის მხრიდან არავინ დაშავებულა ან დაღუპულა.
ავტორ(ებ)ი : geotimes.com.ge