ევროპელი ლიდერები უნდა იყვნენ შეშფოთებულნი იმით, რასაც საკუთარ ქვეყნებს უშვრებიან - ისინი ანადგურებენ თავიანთ ქვეყნებს, - განაცხადა აშშ-ის პრეზიდენტმა, დონალდ ტრამპმა გამოცემა POLITICO-სთან ინტერვიუში.

ჟურნალისტის კითხვაზე - ნიშნავს თუ არა ეს იმას, რომ ისინი აღარ იქნებიან მოკავშირეები? - აშშ-ის პრეზიდენტმა უპასუხა:

იცით, ეს დამოკიდებულია. ისინი შეცვლიან თავიანთ იდეოლოგიას, ცხადია, რადგან შემოსულ ხალხს სრულიად განსხვავებული იდეოლოგია აქვს. მაგრამ ეს... ეს მათ ბევრად დაასუსტებთ. ისინი ბევრად... ბევრად სუსტები იქნებიან და ბევრად განსხვავებულები.