ალეკო ელისაშვილის ადვოკატი ირწმუნება, რომ საქმე გამოსაძიებლად სახელმწიფო უსაფრთხოების სამსახურს გადაეცა.

„ის ორგანო, რომელიც იძიებდა აღნიშნულ საქმეს, აღარ იძიებს და გადაეწერა სახელმწიფო უსაფრთხოების სამსახურს. არ ვიცი, ვვარაუდობ, რომ მუხლი გადაკვალიფიცირდეს. ვნახოთ, რას ედავებიან, რა ეწერება ბრალის დადგენილებაში და რა თქმა უნდა, ამის შემდეგ ვიმოქმედებთ დაცვის მხარე", - განუცხადა ჟურნალისტებს ადვოკატმა, გიორგი რეხვიაშვილმა.

თუმცა, როგორც ირკვევა, რეალურად საქმეს არა სუს-ი, არამედ გენერალური პროკურატურა იძიებს.

„ქრონიკამ" აღნიშნული ინფორმაცია ორივე უწყებაში გადაამოწმა.

როგორც აღმოჩნდა, ალეკო ელისაშვილის ადვოკატს ისიც კი არ აქვს გარკვეული, ვინ იძიებს მისი დაცვის ქვეშ მყოფის საქმეს.

შსს-ს ინფორმაციით, დაკავებულია კოალიცია „ძლიერი საქართველო - ლელოს" ერთ-ერთი ლიდერი, ალექსანდრე ელისაშვილი, რომელმაც თბილისის საქალაქო სასამართლოს კანცელარიის შენობის დაწვა სცადა.