თუთიყუშის და ცრუ მოლოდინების ეფექტი პოლიტიკაში

10.06.2021 12:04

ფინანსებში არის ცრუ მოლოდინების ეფექტი, რაც აქტივების არასწორ დროს ყიდვას უკავშირდება, ანუ მომავალში ფასის ზრდის მოლოდინით, - ამის შესახებ ეკონომიკის ექსპერტი გიორგი ცუცქირიძე ფეისბუქის საკუთარ გვერდზე წერს.

"ბუნებრივია, თუ ეს პროგნოზი არ გამართლდა ტრეიდერი დიდ ზარალზე გავა და სულაც შეიძლება გაკოტრდეს კიდეც. ანალოგიური პოლიტიკაშიც ხდება, როდესაც საკუთარ ელექტორატს ცრუ მოლოდინით კვებავ. ზუსტად ეს დაემართა ნაციონალურ მოძრაობასაც.

7 თვიანი ბოიკოტის, რეალურად საბოტაჟის შემდეგ, პარლამენტში შესვლა, რომ რამენაირად გაეპრავებინათ, ჯერ დიდი რიხით გვამცნეს, ხომ ხედავთ ოცნებამ ჩვენი შიშით სხდომაც კი დახურა, ნიკა მელიას გამოსვლის შიშის გამოო?! ვითომ ნიკა მელიას სხვა დროს გამოსვლას ვინმე უკრძალავდა და მეორე დღესაც მორიგი იაფფასიანი აქცია პერფორმანსი მოაწყეს, მელიასვე მონაწილეობით.

რეალურად კი ეს ყველაფერი საკუთარი ელექტორატის დაკარგვის შიშის პრევენციას უფრო უკავშირდება. პარტია, რომელიც ბოიკოტის ავანგარდში იყო მთელი ამ ხნის მანძილზე, და ვერაფრით ვერ დაამტკიცა არჩევნების არა თუ 'ტოტალური გაყალბება', არამედ ლეგიტიმაციის საკითხიც კი ვერ დააყენა შიდა თუ საერთაშორისო დონეზე, რაც ვადამდელ არჩევნებზე გავიდოდა. მათ მიერვე გაბრიყვებული ოპოზიციის ნაწილიც გაექცათ, ბოლოს კი სულაც სამარცხვინოდ შეიპარა ოცნების მიერ "მიტაცებულ და არალეგიტიმურ პარლამენტში", და ახლა დაზიანებული რენომეს გადარჩენას უფრო ცდილობს.

ბიძინა ივანიშვილის ცნობილი წერილის და გიორგი გახარიას ინგა გრიგოლიასთან სტუმრობის შემდეგაც, ლამის თუთიყუშივით იმის მუდმივად გამეორებაც პარტია "საქართველოსთვის" ლიდერი, რომ ბიძინა ივანიშვილის პროექტია, უკვე ღიმილის მომგვრელია და ამ ელექტორალური შიშით უფროა განპირობებული. შარლ მიშელის დოკუმენტზე ხელის არ მოწერაც ამ სცენარის ნაწილია და ამასაც ცოტა ხანში მოაწერენ. მიზეზსაც მოიგონებენ ბუნებრივია!

სხვა დანარჩენი, ის რაც ხალხს აწუხებს, გაზრდილი ფასები იქნება თუ პოსტპანდემიური ეკონომიკის გამოწვევებია რა გასაკვირია, რომ სულაც არ აინტერესებდეთ.

ამიტომაც, არანაირი შანსი ამ გაბანკროტებულ ოპოზიციას შემოდგომაზე, რომ ოცნებამ ვერ აიღოს ჩამკეტი 43 პროცენტი და ვადამდელზე გავიდეს არა აქვს. ცრუ მოლოდინია ოპოზიციას ბოლო იმედიც, რომ გახარია ხმებს ოცნებას წაართმევს. გახარიას პარტიის ოპოზიციურ ველზე პოზიციონირება აჩვენებს, რომ ხმებს სწორედ ოპოზიციას უფრო წაართმევს, ვიდრე თავად ოცნებას.

ეკონომიკის საპროგნოზოზე გაცილებით სწრაფი აღდგენა, ისევ ხელისუფლების წისქვილზე დაასხამს წყალს. ამ მოცემულობაში ვადამდელის ალბათობაც მცირდება, ხოლო პარლამენტში ძლივს დავანებულ და კრეატივისაგან დაცლილ პოლიტკოჰორტას რეალურად არც აწყობს რადგან კარგად ხვდებიან, რომ ვადამდელზე კიდევ უფრო დიდი იმედგაცრუება ელით", - წერს გიორგი ცუცქირიძე.

ავტორ(ებ)ი : geotimes.com.ge

ბოლო სიახლეები

თიბისის წინასასკოლო შეთავაზებებით 60 000 მომხმარებელმა ისარგებლა

თიბისი, როგორც მომხმარებელზე ორიენტირებული კომპანია, ცხოვრების მნიშვნელოვან მომენტებში მუდმივად ზრუნავს მის მომხმარებლებზე და მხარს უჭერს განსაკუთრებული შეთავაზებებით.

თბილისი რიგით მეხუთე, საიუბილეო აბრეშუმის გზის ფორუმს უმასპინძლებს

22 - 23 ოქტომბერი - საქართველოს პრემიერ-მინისტრის პატრონაჟით დედაქალაქი რიგით მეხუთე საიუბილეო „თბილისის აბრეშუმის გზის ფორუმს" უმასპინძლებს. წარმომადგენლობით ღონისძიებაში მონაწილეობას მიიღებენ მაღალი რანგის პოლიტიკური პირები, ბიზნესსექტორის და საერთაშორისო ორგანიზაციების წარმომადგენლები: რეგიონის ქვეყნების პრემიერ-მინისტრები და ვიცე-პრემიერები, ასევე რეგიონსმიღმა ქვეყნების დარგობრივი მინისტრები, წამყვანი გლობალური კომპანიები, საერთაშორისო საფინანსო ინსტიტუტები და ასევე საერთაშორისო რანგის ექსპერტები. ფორუმს წელს 2000-მდე დელეგატი დაესწრება. „თბილისის აბრეშუმის გზის ფორუმი" უკვე დამკვიდრდა როგორც მაღალი დონის საერთაშორისო პლატფორმა როგორც სხვადასხვა ქვეყნების მთავრობებს შორის დიალოგისთვის, ისე სახელმწიფოებს, საერთაშორისო ორგანიზაციებსა და ბიზნესს შორის მრავალმხრივი ურთიერთობებისთვის. ფორუმი ასევე მნიშვნელოვანი სადისკუსიო პლატფორმაა, სადაც განიხილება საერთაშორისო სავაჭრო-ეკონომიკური ურთიერთობები, ევროპასა და აზიას შორის სატრანსპორტო-ლოგისტიკური კავშირების, მათ შორის: „შუა დერეფნის" მარშრუტის როლი და მისი ფუნქციის შემდგომი განვითარების საკითხები, ასევე ახალი პროგრამები და პროექტები სხვადასხვა სექტორული მიმართულებებით. „აბრეშუმის გზის ფორუმის" მთავარი თემა და სლოგანი წელს იქნება: Invest in Connectivity – Grow in Stability. წელს ფორუმის ფარგლებში დაგეგმილ სადისკუსიო სესიებსა და პანელებს მოდერატორობას გაუწევენ მსოფლიოს წამყვანი მედიების ცნობილი, საერთაშორისოდ აღიარებული წარმომადგენლები. „თბილისის აბრეშუმის გზის ფორუმი" 22 ოქტომბერს თბილისის ზაქარია ფალიაშვილის სახელობის ოპერისა და ბალეტის ეროვნულ თეატრში საქართველოს პრემიერ-მინისტრის სიტყვით გაიხსნება. 22 ოქტომბერს გაიმართება 7 თემატური სესია: ვაჭრობის, ტრანსპორტის, ენერგეტიკის, ციფრული ტექნოლოგიების მიმართულებით. 22 ოქტომბერსვე ჩატარდება საინვესტიციო ფორუმი. 23 ოქტომბერს აბრეშუმის გზის ფორუმის ფარგლებში შედგება თბილისის ფინანსური სამიტი, რომლის ოფიციალური გახსნის ცერემონიაში ფინტექის ინდუსტრიის ლიდერები მიიღებენ მონაწილეობას. ამასთან, 22-23 ოქტომბერს ფორუმის მონაწილე სხვადასხვა დარგის კომპანიების წარმომადგენლები ორმხრივ ბიზნეს შეხვედრებს გამართავენ. ფორუმში მონაწილეობის მსურველთათვის, ასევე მედიის წარმომადგენლებისთვის სავალდებულოა წინასწარი რეგისტრაცია: https://www.tbilisisrf.gov.ge/