აშშ-ის წინადადებები რუსეთის ომის დასასრულებლად უკრაინის მიერ გარკვეული ტერიტორიისა და იარაღის ნაწილის დათმობას მოიცავს, - ამის შესახებ „როიტერი" წერს.

როგორც გამოცემას ორმა ანონიმურმა წყარომ განუცხადა, აშშ-მა უკრაინის პრეზიდენტს, ვოლოდიმირ ზელენსკის აცნობა, რომ უკრაინამ უნდა მიიღოს აშშ-ის მიერ შემუშავებული ჩარჩოდოკუმენტი რუსეთთან ომის დასასრულებლად, რომელიც კიევის მხრიდან ტერიტორიებისა და გარკვეული იარაღის დათმობას მოიცავს.

მათივე თქმით, წინადადებები, სხვა საკითხებთან ერთად, უკრაინის შეიარაღებული ძალების რაოდენობის შემცირებასაც მოიცავს.

წყაროების ცნობით, ვაშინგტონს სურს, რომ კიევმა აღნიშნული წინადადების ძირითადი პუნქტები მიიღოს.