აშშ-ის პრეზიდენტის სპეციალურმა წარმომადგენელმა, სტივ უიტკოფმა უკრაინას შესთავაზა, დონალდ ტრამპს „ტომაჰავკის” რაკეტების ნაცვლად, ნულოვანი ტარიფები მოსთხოვოს. ამის შესახებ სტატიას The Wall Street Journal-ი აქვეყნებს.

გამოცემის ცნობით, აშშ-ის პრეზიდენტის სპეციალური წარმომადგენელმა დაარწმუნა უკრაინის წარმომადგენლები, რომ უკრაინისთვის აშშ-სგან ნულოვანი ტარიფების მიღება გაცილებით უფრო მომგებიანია, ვიდრე „ტომაჰავკის” რაკეტები.

სტატიაში აღნიშნულია, რომ  ოქტომბერში ტრამპი უკრაინისთვის „ტომაჰავკის” რაკეტების მიწოდების გადაწყვეტილებასთან ახლოს იყო, მაგრამ შემდეგ გადაიფიქრა, რადგან აშშ-ს უკრაინისთვის „უფრო მიმზიდველი შეთავაზება” ჰქონდა.

WSJ-ის სტატიის მიხედვით, უიტკოფმა უკრაინულ მხარეს განუცხადა, რომ „ერთი მუჭა რაკეტებით“ მნიშვნელოვან შედეგს ვერ მიაღწევდა და ამის ნაცვლად შესთავაზა, რომ უკრაინას ტრამპისთვის უკრაინულ საქონელზე ტარიფებისგან ათი წლით გათავისუფლება მოეთხოვა, რაც „კარგი სტიმული იქნებოდა უკრაინის ეკონომიკისთვის“.