ფლორიდაში, აშშ-ის პრეზიდენტის წარმომადგენლებთან, სტივ უიტკოფსა და ჯარედ კუშნერთან ერთად, უკრაინის დელეგაციასთან მოლაპარაკებებში მონაწილეობას აშშ-ის სახელმწიფო მდივანი მარკო რუბიოც მიიღებს. ინფორმაციას „როიტერი" აშშ-ის მაღალი თანამდებობის პირზე დაყრდნობით ავრცელებს.

„როიტერი" აღნიშნავს, რომ უკრაინა ვაშინგტონის მხრიდან მნიშვნელოვან ზეწოლას განიცდის, რათა დათანხმდეს სამშვიდობო შეთანხმების პირობებს, მაშინ როდესაც პრეზიდენტი ვოლოდიმირ ზელენსკი 2022 წელს რუსეთის სრულმასშტაბიანი შეჭრის შემდეგ ყველაზე რთულ პოლიტიკურ და სამხედრო სიტუაციაში იმყოფება.

29 ნოემბერს ცნობილი გახდა, რომ უკრაინის დელეგაცია, ეროვნული უშიშროებისა და თავდაცვის საბჭოს მდივნის, რუსტემ უმეროვის ხელმძღვანელობით, შეერთებულ შტატებში მიემგზავრება „სამშვიდობო გეგმაზე" მოლაპარაკებების გასაგრძელებლად. პრეზიდენტის განკარგულების თანახმად, სამშვიდობო მოლაპარაკებებში მონაწილე დელეგაციაში ცხრა ადამიანი შედის, მათ შორის ეროვნული უსაფრთხოებისა და თავდაცვის საბჭოს თავმჯდომარე რუსტემ უმეროვი, მთავარი დაზვერვის დირექტორატის უფროსი კირილ ბუდანოვი, უკრაინის უსაფრთხოების სამსახურის თავმჯდომარის მოადგილე ალექსანდრ პოკლადი და უკრაინის შეიარაღებული ძალების გენერალური შტაბის უფროსი ანდრეი ჰნატოვი.