რუსეთის პრეზიდენტმა ამერიკელ კოლეგას უკრაინის შეიარაღებული ძალების მიერ მის რეზიდენციაზე თავდასხმის მცდელობის შესახებ უამბო. ამის შესახებ რუსეთის პრეზიდენტის თანაშემწემ, იური უშაკოვმა განაცხადა.

უშაკოვის თქმით, დონალდ ტრამპი აღშფოთებული იყო კიევის მცდელობით, რომ თავდასხმა განეხორციელებინა რუსეთის პრეზიდენტის რეზიდენციაზე.

„ფაქტობრივად მაშინვე, როგორც ამერიკული მხარე თვლის, მარ ა ალაგოში წარმატებული მოლაპარაკებების რაუნდის შემდეგ, კიევის რეჟიმმა განახორციელა ტერორისტული თავდასხმა შორი მოქმედების უპილოტო აპარატების გამოყენებით, რუსეთის პრეზიდენტის სახელმწიფო რეზიდენციაზე ნოვგოროდის ოლქში თავდასხმა. ჩვენ ნათლად განვაცხადეთ, რომ ასეთი დაუფიქრებელი ტერორისტული ქმედებები, ბუნებრივია, უპასუხოდ არ დარჩება", - თქვა უშაკოვმა.

როგორც პუტინის თანაშემწემ აღნიშნა, ტრამპმა პუტინს განუცხადა, რომ მსგავსი გიჟური ქმედებების წარმოდგენაც კი არ შეეძლო.

„ეს უდავოდ გავლენას მოახდენს ამერიკულ მიდგომებზე ზელენსკისთან მუშაობის კონტექსტში, რომელსაც ამჟამინდელმა ადმინისტრაციამ, როგორც თავად ტრამპმა თქვა, ღმერთს მადლობა, Tomahawk-ი არ მისცა", - აღნიშნა უშაკოვმა.