ვენესუელისა და მისი ხალხის წინააღმდეგ ომი არ მიმდინარეობს, - ამის შესახებ გაერო-ში აშშ-ის ელჩმა, მაიკ უოლცმა უშიშროების საბჭოს სხდომაზე განაცხადა.

„ჩვენ ამ ქვეყნის ოკუპაციას არ ვახდენთ. ეს კანონის აღსრულების ოპერაცია იყო, რომელიც იმ ბრალდებების საფუძველზე განხორციელდა, რომლებიც ათწლეულებია არსებობს", - განაცხადა უოლცმა.

მისი თქმით, ვენესუელის გადაყენებული პრეზიდენტის, ნიკოლას მადუროს დანაშაულების დამადასტურებელი მტკიცებულებები სასამართლო პროცესებზე იქნება წარმოდგენილი.

„მადუროს მხოლოდ ნარკოტიკებით ვაჭრობა არ ედება ბრალად. ის ასევე, არალეგიტიმური, ე.წ. პრეზიდენტი იყო. მინდა კიდევ ერთხელ გავიმეორო, რომ პრეზიდენტმა ტრამპმა დიპლომატიას შანსი მისცა. მან დეესკალაცია სცადა. მადურომ უარი თქვა", - აღნიშნა გაერო-ში აშშ-ის ელჩმა.