ევროპელმა ლიდერებმა სამშაბათს გრენლანდიის სუვერენიტეტის მხარდამჭერი განცხადება გაავრცელეს, პრეზიდენტ ტრამპის მხრიდან კუნძულის შეძენისადმი კვლავ არსებული ინტერესის ფონზე.

საფრანგეთის პრეზიდენტმა ემანუელ მაკრონმა, გერმანიის კანცლერმა ფრიდრიხ მერცმა, იტალიის პრემიერ-მინისტრმა ჯორჯია მელონიმ, პოლონეთის პრემიერ-მინისტრმა დონალდ ტუსკმა, ესპანეთის პრემიერ-მინისტრმა პედრო სანჩესმა, გაერთიანებული სამეფოს პრემიერ-მინისტრმა კირ სტარმერმა და დანიის პრემიერ-მინისტრმა მეტე ფრედერიკსენმა ერთობლივ განცხადებაში აღნიშნეს, რომ გრენლანდია „თავის ხალხს ეკუთვნის".

„მხოლოდ დანიისა და გრენლანდიის გადასაწყვეტია ის საკითხები, რომლებიც დანიასა და გრენლანდიას ეხება", - განაცხადეს ლიდერებმა.

ევროპელმა ლიდერებმა ასევე ხაზი გაუსვეს ხანგრძლივ ალიანსს და განაცხადეს: „ნატომ მკაფიოდ განმარტა, რომ არქტიკის რეგიონი პრიორიტეტია და ევროპელი მოკავშირეები აძლიერებენ ძალისხმევას, ზრდიან თავიანთ წარმომადგენლობას, აქტივობებსა და ინვესტიციებს, რათა დაცული იყოს არქტიკა და მოხდეს მოწინააღმდეგეების შეკავება".