შვეიცარიაში ახალი წლის ღამეს გაჩენილ ხანძართან დაკავშირებით შვეიცარიული ბარის ერთ-ერთი თანამფლობელი დააკავეს.

შვეიცარიელმა პროკურორებმა განაცხადეს, რომ საფრანგეთის მოქალაქე ჟაკ მორეტი შესაძლოა, მართლმსაჯულებას გაქცეოდა.

კრანს-მონტანაში, ბარში ხანძრის შედეგად 40 ადამიანი დაიღუპა, 116 კი დაშავდა. მიმდინარე კვირაში გაირკვა, რომ სათხილამურო კურორტზე არსებულ ბარს ხუთი წლის განმავლობაში არ ჰქონდა გავლილი უსაფრთხოების შემოწმება. პროკურორების ვარაუდით, ახალი წლის აღსანიშნავად მყოფმა ადამიანებმა შამპანურის ბოთლები, რომლებზეც შუშხუნები იყო დამაგრებული, მაღლა ასწიეს და ბარის ჭერზე დამონტაჟებულ ხმის საიზოლაციო ქაფს ცეცხლი გაუჩნდა. შვეიცარიაში დღეს ეროვნული გლოვის დღეა და ხანძრის შედეგად დაღუპულებს წუთიერი დუმილით პატივი მიაგეს. მსხვერპლთა უმეტესობა ახალგაზრდა იყო. დაშავებულთაგან კი უმრავლესობას მძიმე დამწვრობა აქვს. ისინი შვეიცარიასა და სხვა ევროპულ ქვეყნებში მკურნალობენ.