რუსეთის მასშტაბური საჰაერო თავდასხმების შედეგად მილიონზე მეტი უკრაინელი ელექტროენერგიისა და გათბობის გარეშე დარჩა.

მედიის ინფორმაციით, უკრაინის დედაქალაქში 3 000-ზე მეტი შენობა გათბობის გარეშეა დარჩენილი, მაშინ როდესაც ჰაერის ტემპერატურა -10 გრადუსია.

კიევის მერი ვიტალი კლიჩკო აცხადებს, რომ ქალაქის ყველაზე მეტად დაზარალებული რაიონი ტროეშჩინის ჩრდილო-აღმოსავლეთით მდებარე გარეუბანია, სადაც 600 შენობა ელექტროენერგიის, წყლისა და გათბობის გარეშეა.

მისი თქმით, მოსახლეობას ცხელი საკვები და მედიკამენტები მიუტანეს.