ნატო-ში აშშ-ის ელჩი მეთიუ უიტაკერი აცხადებს, რომ ჩინეთი გადამწყვეტ მხარდაჭერას უწევს რუსეთს უკრაინის წინააღმდეგ აგრესიაში.

ელჩის აზრით, ჩინეთს უკრაინაში ომის დასრულება ვლადიმერ პუტინთან ერთი სატელეფონო ზარით შეუძლია.

აშშ-ის ელჩის თქმით, რუსეთის მიერ გაჩაღებული ომი „სრულად არის მხარდაჭერილი ჩინეთის მიერ".

„ჩინეთს შეუძლია, დაურეკოს ვლადიმირ პუტინს და უკვე ხვალ დაასრულოს ეს ომი, თუ შეწყვეტს ორმაგი დანიშნულების ტექნოლოგიების გაყიდვას", - განაცხადა უიტაკერმა.

მისი თქმით, ჩინეთს შეუძლია, შეწყვიტოს რუსული ნავთობისა და გაზის შესყიდვაც.