თბილისის საკრებულოს სახელდების და სიმბოლიკის კომისიის ინიციატივით, დედაქალაქის კიდევ ერთ ქუჩას 9 აპრილის გმირის სახელი დაერქმევა. ნაძალადევის რაიონში, ივერთუბანში, ნიკოლოზ ხუდადოვის ქუჩის მიმდებარედ, თამუნა დოლიძის სახელობის ქუჩა გაიხსნება. ინფორმაციას თბილისის საკრებულოს პრესსამსახური ავრცელებს: „1989 წლის 9 აპრილს, საბჭოთა არმიის მიერ მშვიდობიანი მიტინგის დარბევისას დაღუპული გმირის, თამუნა დოლიძის სახელობის ქუჩა გაიხსნება. საზეიმო გახსნა 9 აპრილს, 11:00 საათზე, გაიმართება“, ნათქვამია საკრებულოს განცხადებაში.
ავტორ(ებ)ი : geotimes.ge