ბლოგერი დავით ზარდიაშვილი სოციალურ ქსელში წერს:

"დღევანდელი ოპოზიციის მრავალპირიანობის ფონზე დიდი შეცდომა იქნება ერთპირიანი ზმნა - "იგულავა" იხმაროს ვინმემ; ეგ "იგულავა" კი არა - სწორედაც რომ უგულავაა: სულ ცოტა, სამ პირიანია: უგულავა მან, მას, ის. შეიძლება, მრავალპირიანიც იყოს: მან, მას, ისინი, ანდაც  - მან, მათ, ის, ასევე  - ისინიც კი,  უგულავა!

მრავალცოლიანობის ვარიანტში, აშკარად, სულ ცოტა, სამ პირიანი მაინც იყო:  იმის "ნაშა" ცოლად დაისვა და მაშასადამე, მან მას, ის უგულავა. 

ახლაც სამ პირიანია თუ მრავალპირიანი?: ის სურათი, "ოპოზიციური სამება", მაინც როგორ უნდა წავიკითხოთ? ფეხზე წამოყენებული ამ სამი გამოსირებული პირიდან რომელმა რომელს რომელი უგულავა? 

შალიკომ გიგის ოქრუაშვილი უგულავა? იქნებ - გიგიმ ოქრუაშვილს შალიკო? ასეც შეიძლება: შალიკომ მიშას ოქრუაშვილი და გიგი უგულავა! მე მგონი ასეა: გიგიმ, შალიკომ და ოქრუაშვილმა მიშას  ერთმანეთი უგულავეს! როგორ უგულავეს და ასე: ადრე ამ სამიდან ყოველი ორი ერთმანეთს დედას აგინებდა. ახლა ამ სამიდან ყოველი ორი ერთმანეთს დედას ეფიცება. 

როცა მან, მას, ის ან მან, მათ, ისინი უგულავა, უდავოა: თითოეულმა სინდისს უღალატა,"- წერს ის.