პოლიტიკური მიმომხილველი სიმონ კილაძე სოციალურ ქსელში წერს:
"ამერიკამ ჩინეთს ჰიუსტონში საკონსულოს დახურვა მოსთხოვა
მართალია, მსოფლიოში კორონავირუსი ბობოქრობს, მათ შორის - ამერიკაშიც და ჩინეთშიც, მაგრამ ეპიდემია - ეპიდემიად, პოლიტიკური კონკურენცია კი გრძელდება, პეკინი და ვაშინგტონი შერიგებას არ აპირებენ.
რამდენიმე საათის წინ დონალდ ტრამპმა ჩინეთის ხელისუფლებას ულტიმატუმი წაუყენა - ან 72 საათში თქვენი ნებით დახურავთ ჰიუსტონში არსებულ საკონსულოს, ან ზომებს მივიღებ და იძულებულს გაგხდით, დახუროთო.
აშშ-ის პრეზიდენტმა ჰიუსტონში მყოფი ჩინელი დიპლომატები შპიონაჟში დაადანაშაულა - ყველაფერს იპარავენ, დაძვრებიან აქეთ-იქით, ინტელექტუალურ საკუთრებას ითვისებენო.
ჩინეთმა, რასაკვირველია, ბრალდებები უარყო, თუმცა საკონსულოს დასახურად ემზადებიან.
https://ru.reuters.com/article/topNews/idRUKCN24O0NW-ORUTP
--------------
ჰიუსტონში, როგორც ცნობილია, განლაგებულია აშშ-ის აეროკოსმოსური მრეწველობის ობიექტები, აქაა NACA-ს კოსმოსური ცენტრიც (გახსოვთ ცნობილი ფრაზა კინოფილმებიდან - "ჰიუსტონ, პრობლემა გვაქვს...")"- წეს ის.
ავტორ(ებ)ი : Geotimes.ge