27 ნოემბერს, „შერატონ გრანდ თბილისი მეტეხი პალასში“ „ჯორჯიან თაიმსისა“ და კომპანია „გორბის“ მიერ ორგანიზებული, რიგით XX ბიზნეს რეიტინგის საიუბილეო საღამო და გალა ვახშამი გაიმართა. 

ტრადიციულად მედიისა და საზოგადოების თანდასწრებით, ექსპერტების მიერ შერჩეული საუკეთესო კომპანიები დასახელდა. ღონისძიების ფარგლებში ბიზნესის ეროვნოვნული ჯილდოსა და  გრან პრის მფლობელი „ჯორჯიან პროდაქტსი“ გახდა.

ბიზნეს რეიინგის მე-20 საიუბილეო ცერემონიალის ძირითადი ნაწილი გამორჩეული იყო. ცერემონიალის ერთ-ერთი მთავარი „მონაწილე“ ბიზნეს-ბოქსი გახლდათ. სპეციალური დოლურა, საიდანაც ჯერ ღონისძიების წამყვანი და შემდეგ უკვე სცენაზე ამოსული მონაწილე კომპანიის წარმომადგენელი შემთხვევითობის პრინციპით ირჩევდა მას, ვისაც დააჯილდოვებდა.