სამცხე-ჯავახეთის შესახებ გადაღებულმა ფილმმა - "მისტიკური საქართველო'' - თურქეთში, საერთაშორისო სატელევიზიო ტურისტული ფილმების ფესტივალზე, ოქროს ჯილდო მოიპოვა.
პროექტი: "გელოდებით სტუმრად - ზურა დვალთან ერთად" კი, საერთაშორისო ჟიურის რჩეული გახდა.
ფესტივალზე გამარჯვებული ფილმის რეჟისორი და პროდიუსერი ირინა ხანგოშვილია. წამყვანი - ზურაბ დვალი, ოპერატორი - თეიმურაზ გაბაშვილი.
ირინა ხანგოშვილის საავტორო პროექტი უკვე 8 წელია, რაც საქართველოსა და მსოფლიოს მრავალ ქვეყანაში გადის ეთერში და მნიშვნელოვანი წვლილი შეაქვს საქართველოს პოპულარიზაციასა და ტურიზმის განვითარებაში. პროექტი თანამშრომლობს რადიო თავისუფლების არხთან ,,ნამდვილი დრო". გადამღებ ჯგუფს, ჯამში განხორციელებული აქვს 300-ზე მეტი სატელევიზიო პროექტი და მიღებული აქვს მრავალი საერთაშორისო ჯილდო.
ავტორ(ებ)ი : geotimes.com.ge