"სტრატეგია აღმაშენებლის" ლიდერები გიორგი ვაშაძე და სერგო ჩიხლაძე ბრიუსელში გაემგზავრნენ.

"სტრატეგია აღმაშენებლის" ინფორმაციით, პოლიტიკოსები ევროკავშირის დედაქალაქში მაღალი რანგის წარმომადგენლებს შეხვდებიან.

მათივე ცნობით, ვიზიტის ფარგლებში დაგეგმილ შეხვედრებზე საუბარი საქართველოს ევროინტეგრაციის გზას შეეხება

"ევროკავშირის დედაქალაქის, ბრიუსელის გზას შევუდექით. მაღალი რანგის უმნიშვნელოვანესი ვიზიტია. გპირდებით, ყველაფერს გავაკეთებთ, რომ საქართველო ევროკავშირში ინტეგრაციის გზას არ ასცდეს", - განაცხადა გიორგი ვაშაძემ.