ლარსის გამშვებ პუნქტთან ისევ რუსეთის მოქალაქეების გრძელი რიგია. რუსეთიდან მეზობელ ქვეყნებში გადასვლის მსურველთა რიცხვი მას შემდეგ გაიზარდა, რაც რუსეთის პრეზიდენტმა ნაწილობრივი მობილიზაციის ბრძანება გასცა. შესაბამისად, უკვე სამი დღეა, რიგები არ წყდება ლარზეც. საზღვრის კვეთის მსურველთა რაოდენობის გამო, მათ საათობით უწევთ რიგში დგომა. ქვეყანაში შემომსვლელთა უმრავლესობა მამაკაცია. მათი ნაწილი არ მალავს, რომ მეზობელ ქვეყანაში ომში გაწვევის საფრთხეს გამოექცნენ, ნაწილი კი ჩამოსვლის მიზეზზე არ საუბრობს.