„ის ალბათ გენიოსია, ვინც ხვდება, როდის უნდა გაჩერდეს“ - გიორგი ოვაშვილი

 

კინოთეატრიდან ახლადგამოსული 13 წლის პოტენციური რეჟისორი „ჩერმენის“ ჰეროიკული თვისებებით იყო მონუსხული. პირველად ნანახი დიდი ეკრანის ხმის ვიბრაციამ მისი სკამის სახელურამდეც მიაღწია, გული და გონება მთლიანად დაიკავა და მიისაკუთრა. სწორედ ამ ვიბრაციულმა ტალღებმა გაუღვივა მას ფანტაზია და ფილმების „კეთების“ დაუოკებელი ჟინი. სწორედ ამ ვიბრაციის წყალობით მან პატარა ბავშვური ფანტაზიები სისრულეში მოიყვანა.

 


ამ ვიბრაციის დამსახურებით, ახლანდელ რეჟისორსა და პატარა, სირბილისაგან მუხლებგადატყავებულ მეოცნებე ბიჭუნას შორის უხილავი კავშირი დღემდე არსებობს. პატარა შეყვარებული ბიჭუნა მცხეთიდან, არ ტოვებს რეჟისორის გონებას, აძლევს გიორგი ოვაშვილს „კეთების“ სტიმულს და აღვივებს მის დაუშრეტელ ფანტაზიას.

 


პროფესიულ და ცხოვრებისეულ გამოცდილებასა და ხედვებზე, გიორგი ოვაშვილმა, ,,ჯორჯიან თაიმსთან“ ძალიან საინტერესოდ ისაუბრა. ის გახლავთ ისეთი ფილმების რეჟისორი, როგორიცაა „სიმინდის კუნძული“ , „გაღმა ნაპირი“, "ზღვის დონიდან" და ა.შ.

 

 

დიდ ეკრანზე პირველად ნანახი ფილმი. გარდამტეხი ასაკი და პირველი სიყვარული

 

ბავშვობა ყველა ჩვენგანზე გადამწყვეტ როლს თამაშობს, ყველა ხომ იქიდან მოვდივართ, თუმცა, არამარტო მოვდივართ, ხშირ შემთხვევაში, იქვე ვრჩებით. მე ყოველთვის მგონია, რომ ისევ იქ ვარ, იქიდან გამოსვლის  აუცილებლობას ვერც ვხედავ. სხვათაშორის, ცოტა ხნის წინ გადავწყვიტე მომეძებნა ჩემი ბავშვობის ჩანაწერები. 10 წლის რომ ვიყავი, მაშინ ვწერდი. შემდეგ ჩანაწერები დავკარგე და ბოლოს, შემთხვევით მივაგენი. იმის შიშით, რომ ისევ არ დამკარგვოდა, ციფრულ ფორმატში გადავიტანე. გამოცემას არ ვაპირებ, თუმცა, ალბათ დადგება დრო, როცა ფილმს გავაკეთებ. ვფიქრობ, რომ კინოს უფრო მიესადაგება, ვიდრე ლიტერატურას.

 

გამახსენდა, თუ როგორ ვიცვლებოდი ადრეული ასაკიდან, მანამ, სანამ მართლა გაჩნდა ჩემში კონრკეტული, ჩამოყალიბებული სურვილი, რა უნდა მეკეთებინა ცხოვრებაში, რისთვის ვარსებობდი. ეს კითხვა ყოველთვის მაწუხებდა თუ რატომ ვართ? რისთვის მოვედით?  ბავშვობიდან ბევრი რაღაც მაინტერესებდა. ჩემს თაობაში ყველას უნდოდა მთვარეზე გაფრენა, იმ პერიოდის ყველაზე საინტერესო ამბავი სწორედ კოსმოსში ფრენა იყო, მაგრამ - ჩვენთვის შეუძლებელი. ეს უბრალოდ ოცნება ოცნებისთვის გახლდათ. შემდეგ ისე მოხდა, რომ ერთხელ 12-13 წლის ასაკაში პირველად, მასწვალებელმა კინოთეატრში წაგვიყვანა. მაშინ ფილმებს ტელევიზიით თუ ვნახულობდით, - კინოთეატრი უცხო ხილი იყო ბავშვებისთვის.

 

დარბაზი ჩაბნელდა და უზარმაზარი ეკრანი აინთო... ფილმს ერქვა ,,ჩერმენი“. ეს იყო ნიკოლოზ სანიშვილის ქართული ფილმი. ისტორია მთიელ გმირზე, ჩერმენზე, რომელიც უსამართლობას ებრძოდა. მაშინ ამდენი არ მესმოდა. მომნუსხა იმის ნახვამ, ახლო ხედით, ეკრანზე ჩერმენი თუ როგორ მიაჭენებდა ცხენს ხეობებში, როგორ იბრძოდა... მოკლედ, ჰეროიკული ფილმი იყო. მახსოვს, რომ შოკი მივიღე, ნამდვილი გადატრიალება. ეს პირველი განცდა იყო, დაბრაზიდან რომ გამოვედი,ზუსტად ვიცოდი, რა მინდოდა, მაგრამ არ ვიცოდი, ეს როგორ ხდებოდა.

 

ეს იყო პირველი მარცვალი, რომელიც ჩემს ქვეცნობიერში ჩავარდა, სულ მუშაობდა და არასდროს გაჩერებულა. იქიდან მოყოლებული მე ვიცოდი, თუ რა სვლას ავირჩევდი. ეს იყო ნათელი მომენტი, რამაც ჩემში გარკვეული გარდატეხა მოახდინა პროფესიული თვალსაზრისით, - თუ რა მინდოდა მეკეთებინა ცხოვრებაში.

 

ბავშვობაში, მეორე, რომანტიკული პოეტური გარდატეხის მომენტიც მქონია. ეს სკოლის პერიოდში განცდილი პირველი სიყვარული იყო. 13 წლის ვიყავი, ზაფხულობით ჩემი კლასელის ბიძაშვილი ჩამოდიოდა ჩემთან სოფელში.  ის ერთი წლით უფროსი იყო და მაშინ მეგონა, რონ ძალიან დიდი იყო. სამწუხაროდ, ისე ჩაიარა ყველაფერმა, რომ არ დავლაპარაკებივარ, მაგრამ ამ გოგოს გამო ვჩხუბობდი, არადა საერთოდ არ ვიყავი მოჩხუბარი. ეს გოგო მთელ სოფელს უყვარდა. ჩემთან ვიღაც ბიჭები მოივიდნენ - „გავიგეთ, რომ გიყვარს და ის უნდა დაივიწყოო!“ ამის გამო არაერთი ჩხუბი მომივიდა, იმდენად ვიცავდი ჩემს გრძნობასა და ღირსებას.

 

მიზანდასახულობა - წარმატების გარანტი

 

არ ვამბობ, რომ ეს ჩემი განსათურებული თვისებაა, მაგრამ მთავარი - მიზანდასახულობაა. თუ მე შინაგანად მივიღე გადაწყვეტილება, რომ რაიმე უნდა შესრულდეს, არ არსებობს  წინაღობა, რომელიც ამ ამოცანის შესრულებას ხელს შეუშლის. ახალგაზრდებსაც ყოვეთლვის ვეუბნები, რომ ეს უმთავრესია - უნდა იცოდე, რა გინდა და ის აკეთო. თუმცა, მხოლოდ სურვილი არაა საკმარისი. უბრალოდ, უნდა გჯეროდეს.

 

მეორე ადგილზე შრომისმოყვარეობაა. ბრძოლა, წინააღმდეგობის გადალახვა, მოთმინება, არდაღლა. მე არასდროს ვთვლი, რომ რაღაც განსაკუთრებული უნარებით  ვარ აღჭურვილი, ან ბუნებამ მომცა ის, რაც სხვებს არ აქვთ. ვფიქრობ, რომ როცა მჯერა რასაც ვაკეთებ, სწორედ ეს მაღწევინებს წარმატებას. თუმცა, ამას კარგად ვაკეთებ თუ ცუდად, ეს სხვა საკითხია.

 

 

 

 

 

ძველი ნამუშევრების ხელახალი აღქმა

 

ჩემი დამოკიდებულება ყოველთვის ასეთია: არასდროს ვუბრუნდები იმას, რაც უკვე  გვაიარე. ეს არა მარტო პროფესიაში, ცხოვრებაშიც ასეა. რასაც ვაკეთებ, იმას აღარ ვუყურებ, აღარ ვუბრუნდები. შეიძლება პრაგმატული თავლსაზრისით რაღაცები განვიხილო და ვთქვა, რომ  შესაძლოა რაღაც უკეთესად გამეკეთებინა. მე ვერ შევაფასებ ჩემს განვლილ ნამუშვრებს, რადგან ისინი ჩემთან აღარ არიან. ერთხელ ვნახულობ და ცხოვრებში აღარ ვუბრუნდები. მითუმეტეს, როცა ნამუშევარი არ მეძახის, არ მინდა, რომ ვნახო. 

 

ჩემი შინაგანი მდგომარეობიდან გამომდინარე მგონია, რომ სწორედ ახლა შემიძლია ბევრი ვაკეთო. ახლა ჩემთვის ის ეტაპია, როცა მინდა, რომ ვაკეთო და მე  მზად ვარ ბრძოლისთვის.

 

შიში - ადამიანის ყველაზე ძლიერი ემოცია

 

ვფიქრობ, ემოციებიდან ყველაზე ძლიერი შიშია. მის წინაშე რაღაც მომეტში ყველა უძლურია, ყველა თავს ხრის. ხშირად ამბობენ, რომ ყველაზე ძლიერი გრძნობა სიყვარულია. ჩემი აზრით,  ეს ასე არაა. ვფიქრობ, შიში ყველას გვაინტერსებს, იმიტომ, რომ ის შეუცნობელია. თუ დავფიქრდებით, ყველაზე მეტი ინტერესი აქვს ისეთ კინოებს, სადაც შიშია. ის ისეთი რაღაცაა, რაც გვაფიქრებს, გვაწვალებს, შევყვავართ ბურუსით მოცულ არანათელ სამყაროში. მე მთელი ბავშვობა ვეძებდი შიშს, მინდოდა განმეცადა, რაც არ უნდა უცნაურად ჟღერდეს. ბავშვობაში ვამბოდით ხოლმე რაღაცაზე, რომ ძალიან საშიშია. მაშინაც სულ ვცდილობდით, ძალიან საშიში რაღაც მოგევფიქრებინა, წავსულიყავით სადმე. დავიწყე ძებნა, მაგრამ ვერ შევხვდი. ეს არის ის ქვეცნობიერი, რომელიც უნდა იპოვო.

 

ადამიანის ცხოვრების მთავარი ფუნქცია

 

გააჩნია რა კუთხით შევხედავთ ადამიანს. ადამიანის არსებობას თუ განვიხილავთ, მაინც ვფიქრობ, მთავარია გააგრძგელოს სიცოცხლე და შექმნას თავის მსგავსი, რაც გარკვეული ჯაჭვის ნაწილი გახდება და ეს რგოლი არ უნდა გაწყდეს. მაგრამ, ეს ყოვეთლვის არაპოეტური ხედვაა ჩევნი არსებობის, თუმცა  - რეალისტური. ჩვენ ათას რაღაცას ვიგონებთ, რათა გავამართლოთ საკუთარი ფუნქცია. მთელი კაცობრიობის ისტორია ახლის გამოგონებაა. ჩვენ ვართ ემოციური, მოაზროვნე არსებები და სწორედ ამით განვსხვავდებით სხვა არსებებისგან. ყველა ადამიანს თავისი ამოცანა აქვს, თუმცა თითოეული ჩვენგანი თავადვე  ქმნის ამოცანას, რათა საკუთარი არსებობა გაამართლოს. ჩვენ ვიგონებთ ამ ამოცანებს...

 

„ის ალბათ გენიოსია, ვინც ხვდება, როდის უნდა გაჩერდეს“

 

სპორტში ამბობენ, უნდა წახვიდე, როცა წარმატების პიკში ხარო. თუ ასე მოხდა - გამარჯვებული რჩები. რეჟისორების დიდ უმრაველობას ეს მომენტი ეპარებათ. აუცილებლად დგება ადამიანის რესურის ამ მიმართულებით ამოწურვის ეტაპი. ძალიან ბევრი მაინც დგამს ფატალურ ნაბიჯს პროფესიაში, რასაც საკმაოდ არასასურველი შედეგები მოყვება, ამ დროს წინა ნამუშევრები უფერულდება ჩავარდნით.

 

ამას ვერ გათვლი, წინასწარ იქნება თუ არა ჩავარდნა შემდეგი ფილმის. რეჟისორს ყოვეთლვის სჯერა, რომ შემდეგი უკეთესი იქნება. უცებ ხდება ისე, რომ აკეთებ მნიშვნელოვან რაღაცას და ეს პროექტი არაა გამროჩეული.

ის ალბათ გენიოსია, ვინც ხვდება, როდის უნდა გაჩერდეს.

 

განათლების დეფიციტი - ქართული კინემატოგრაფიის პრობლემა

 

მე ყოველთვის ვასახელებ პროფესიული განათლების დეფიციტს. წინა თაობის დროს ყველა ღებულობდა კარგ აკადემიურ განათლებას. მაგალითად, ჩემი თაობა იყო ბოლო, ვინც ეს კლასიკური, პროფესიული განათლება მიიღო თეატრისა და კინოს ინსტიტუტში. ჩვენს  შემდეგ რაღაცები აირია, ისიც მესმის, რომ რთული პერიოდი იყო, 90-იანების მეორე ნახევარი. თუმცა, დღეს უარესი სიტუაცია გვაქვს ახალგზარდა თაობის პროფესიული ცოდნის გადაცემის საქმეში. ჩვენ არ გვაქვს რაღაც სისტემა, არ არსებობს არანაირი პროგრამა, თუ როგორ უნდა შეასწვლო რეჟისურა. ეს არა მხოლოდ ხელობის შესწავლაა, ეს არის აზროვნების სტილი, ფორმა, ამას ემატება ისიც,  რომ უნდა გქონდეს თანდაყოლილი ტალანტი.

 

დღეს ქართული კინო რაღაცას ცდილობს, ბევრი ნიჭიერი ახალგაზრდა მოვიდა, თუმცა, ჩვენ მაინც ვერ ვცდებით იმ ჩაკეტილ ფენას, რასაც საფესტივსალო მაყურებელი ჰქვია.  ვართ წარმატებეულები, ჩვენი ხედვა ყოველთვის განსახვევბული იყო ევროპისთვის. კინემატოგრაფისთვის ინფანტილურობა, დილეტანტიზლმი, ზედაპიროულობა - ეს ის მომენტებია, რაც ქართულ კინოს თან ახლავს, მიზეზი კი, როგორც ვთქვი, განათლების არქონაა. ვფიქრობ, ჩვენ გვყავს  ძალიან ნიჭიერი ახალგზარდობა. ამის დეფიციტი არაა. თუმცა, ეს არასაკმრისია, კინო ხომ რთული მექანიზმია, ეს არის ნაზავი -  ნიჭის, ტექნიკის, ფინანსების. წარმოუდგენლად ბევრი სხვადასდხვა სფერო იკვეთება კინემატოგრაფიაში. გარდა იმისა, რომ ნიჭიერი ხარ. ეს არაა საკმარისი.

 

 

საოცნებო არტისტი

 

არის რამდენიმე არტისტი, რომელთან მუშოაბაზეც დიდი ხანია ვოცნებობ. მაგ: ენტონი ჰოპკინსი, ჟან რენო, მადს მიხელსენი, ნიკოლ კიდმანი.

 

პირველი ყოველთვის იყო და იქნება ჩარლი ჩაპლინი. თუმცა, ბევრი რეჟისორით  ვარ შეპყრობილი, მაგ: აკირა კუროსავა, ანდრეი ტარკოვსკი, ინგმარ ბერგმანი.

 

თავის დროზე ფელინითაც ვიყავი გატაცებული, ნაკლებად მაქვს ბოლო დროს შეხება. კინოს ბევრი ბუმბერაზი ფიგურა ჰყოლია, რომელზეც, ზოგადად, ხელოვნების ეს ჟანრი  დღეს დგას.

 

დიდი სიამოვნებით ვიმუშავებდი სესილია თაყაიშვილთან, სერგო ზაქარიაძე, ეროსი მაჯგალაძესთან.


დიდი სურვილი მაქვს ვიმუშაო ბატონ კახი კავსაძესთან, ვერა და ვერ შედგა ჩვენი თამაშრომლობა, მიუხედავად იმ უზომო ტალანტისა, რაც ბატონ კახის აქვს, ჩემს ფილმში მისი პროტოტიპი არასდროს არ გამოჩნდა.

 

გრძელი ნათელი დღეები - მოაზროვნე ხალხის მიერ შექმნლი ფილმი

 

,,გრძელ ნათელ დღეებს“ გამოვყოფდი. ვფიქრობ, აქ ყველაფერი ერთადაა თავმყორილი. ძალიან კარგი ნამუშევარია, განათლებული და მოაზრევნე ხალხის გაკეთებულია, მასში არაა ინფანტილიზმი. მიუხედავად იმისა, რომ ეს რეჟისორების დებიუტია, ძალიან ღირესული ნამუშევარია.


ახლა ვარ იმ ეტაპზე, როდესაც ძალიან ბევრ წიგნს ვკითხულობ, ვეძებ სიუჟეტს, რომ შემდეგი ფილმისთვის დავიწყო წერა. ასეთი რომ მქონდეს, უკვე ვიმუშავებდი. ძიების პროცესში ვარ.

 

ცხოვრებისეული ფრაზა

 

ჩაწერის მსვლელობას  მიმტანმა გოგონამ მკითხა „რამეს ხომ არ ინებებთო?“ - რეჟისორმა სანდო ღიმილით გაიმეორა ეს ფრაზა და ცოტა გაკვირვებულს მიპასუხა:

 

,,რამეს ხო არ ინებებთ?“  - კარგი ფრაზაა, მშვენიერი... რატომაც არა, მე ყოველთვის მიხარია, როდესაც ადამიანს რაღაცაში ვჭირდები.

 

ბოლო პროექტი


ახლა ვმუშაობთ გურამ ოდიშარიას ნოველის მიხედვით, სცენარსაც ვაკეთებთ. ფილმს ,,უღელტეხილი“ ჰქვია. ეს არის ამბავი აფხაზეთის ომზე, როდესაც 10 000 -მა ლტოლვილმა ეს უღელტეხილი გადაიარა დღემდე გაუგებარი მიზეზების გამო. თუ რატომ მოხვდა ეს ხალხი იქ? ვინ შერეკა ეს ისინი სიკვდილის გზაზე? ეს ის თემაა, რომელიც, დღემდე რატომღაც პასუხგაუცემელია. ერს დღემდე არ შეგვისწავლია, თუ რატომ მოხდა ეს სამრაცხვინო ამბავი. ქართველებს გვიყვარს მთავარი  შეკითხვების, რომლებსაც პასუხს ვერ ვცემთ, - გატარება. თუ გავატერებთ, კითხვაც აღარ იარსებებს, თუ გავატარებთ პასუხი აღარ სჭირდება - ასეთი ილუზია გვაქვს.

 

რაც შეეხება ბოლო ფილმს, რომელიც ახლახანს დასრულდა, ეს არის პირველი პრეზიდენტის ცხოვრების უკანასკნელ დღეებზე და რეალურ მოვლენებზეა დაფუძნებული. ეს ფილმიც ელოდება მსოფლიო პრემიერას, ვნახოთ როდის და სად შედგება, ჯერ არ ვიცით...

 

„კეთება“, როგორც ბედნიერების ფორმულა

 

შენი საქმის კეთება ბედნიერებაა. ყველაზე დიდი ბედნიერება ესაა, სხვა დანარჩენი, - ურთიერთობები, გრძნობები, ყოველდღიური რუტინა, - ამის შამავსებელი ელემენტია. შენი საქმის კეთება ალბათ ის მთავარი მამოძრავებელია, მოტივაციაა ცხოვრებისა, რომელიც მუდმივად არსებობს. ადამიანები მიდიან, მოდიან, რაღაც მომეტში ისინი საინტერესოები არიან, მაგრამ გაქვს ისეთი საქმე, რაც სულ არსებობს.

 

/თეონა ცუცქირიძე/

 

 

ავტორ(ებ)ი : geotimes.ge

ბოლო სიახლეები

მსგავსი სიახლეები
ბლოგი

პოლონური სასწაული და „შოკური თერაპია“

პოლონეთის ეკონომიკა მეექვსეა ევროკავშირში და უდიდესია ევროკავშირის ყოფილი აღმოსავლეთ ბლოკის წევრთა შორის.

თებერვალი 24 , 2020

"2020-2024 წლებში ჩვენ გვექნება რეგიონში და ევროპაშიც ყველაზე მაღალი 5%-იანი ზრდა"

საერთაშორისო სავალუტო ფონდის ახალი ანგარიში, რომელიც გასულ წელს აფასებს, განსაკუთრებით როგორც არასდროს დღეს რამდენიმე მიმართულებით არის მნიშვნელოვანი:

თებერვალი 13 , 2020

დიდი ბრიტანეთი კეინსიდან დღემდე - ციკლიდან ეკონომიკის გაკვეთილები

გაერთიანებული სამეფოს ეკონომიკა ეფუძნება თავისუფალი ბაზრის და დაბალი გადასახადების პრინციპებს და მიუხედავად მომსახურების სერვისების პრიორიტეტისა, არის წარმოებაზე და ექსპორტზე ორიენტირებული ეკონომიკა გერმანიის და იაპონიის მსგავსად.

იანვარი 27 , 2020

"ქვეყანაში წარმოქმნილი არასტაბილურობა გაურკვევლობასა და ნეგატიურ მოლოდინებს წარმოქმნის, პირველ

ქვეყანაში მიმდინარე პოლიტიკური პროცესების ფონზე, სხვა საკითხებმა, მათ შორის ეკონომიკამაც მეორე პლანზე გადაიწია.

ნოემბერი 19 , 2019

"ქვეყანას ნამდვილად აქვს სწრაფი ზრდის ეკონომიკური და ადამიანური რესურსები, რაც გაზრდის შემოსავლ

მე ამ თემაზე მსჯელობისას სხვა დროსაც აღმინიშნავს, რომ ეკონომიკური ზრდის არსი არის ეროვნული შემოსავლის პროგრესიული ზრდა გრძელვადიან პერსპექტივაში.

ნოემბერი 14 , 2019

წყალტუბოს პროექტი საქართველოს რეგიონალურ ტურისტულ ჰაბად გადააქცევს

ბიძინა ივანიშვილის გადაწყვეტილება წყალტუბოში გამოისყიდოს ყველა, 22 სასტუმრო, 9 აბანო და განახორციელოს მათი სრული რეაბილიტაცია, არის უპრეცედენტო თავისი მაშტაბურობით და საინვესტიციო გადაწყვეტილებების თვალსაზრისითაც.

ოქტომბერი 29 , 2019

საერთაშორისო სავალუტო ფონდის მოხსენება მიმდინარე ეკონომიკური ტრანსფორმაციის შეუქცევად ხასიათს ადასტუ

საერთაშორისო სავალუტო ფონდის (IMF) მისიამ საქართველოში მორიგი ვიზიტი დაასრულა და შემაჯამებელი მიმოხილვა გამოაქვეყნა. სსფ-ის ეს მოხსენება რამდენიმე ფაქტორის გამო არის ჩვენთვის მნიშვნელოვანი.

სექტემბერი 19 , 2019

საქართველო პირდაპირი უცხოური ინვესტიციებისთვის ღიაობით და საინვესტიციო მიმზიდველობით მოწინავე, გამორ

მათ ასევე გააჟღერეს მნიშვნელოვანი გზავნილები, რომ ჩვენი ქვეყნისა და მისი ეკონომიკის მასშტაბიდან გამომდინარე, ერთ სულ მოსახლესთან მიმართებით მოზიდული ინვესტიციების კუთხით საქართველოს აქვს საუკეთესო მონაცემები.

სექტემბერი 12 , 2019

"ქართულ ოცნებას" უკვე მეორე ფრონტზე - ხაზარაძე-ჯაფარიძის წინააღმდეგ მოუწევს არც თუ იოლი პო

"ორი ფრონტი" კი არა, არამედ ორმაგი ბუნება და შიდა წინააღმდეგობა "ქართული ოცნებისა" :

აგვისტო 29 , 2019

ეს არის საქართველოს მთავარი მტერი, რომელსაც საუბედუროდ - ოკუპირებული აქვს ქვეყანა!

ნიჰილიზმზე ვწერდი და ზოგი მთხოვს, მაგალითები მოიყვანე, რომ უფრო თვალსჩინო და გასაგები იყოს ამ ტერმინის მნიშვნელობაო.

აგვისტო 15 , 2019

"2008-2012 წლებში ქვეყანა სრულ ეკონომიკურ კოლაფს საერთაშორისო დახმარებამ გადაარჩინა"

2008 წლის აგვისტოს ომის შეფასებისას, ბევრი ითქვა და დაიწერა, როგორც ქართულ ისე უცხოურ პრესაში.

აგვისტო 08 , 2019

"ლარს და მთავრობას კი არ უნდა ჩავუდგეთ კრიჭაში, არამედ ემბარგოს დამწესებელს"

ყველაზე ცუდი ისაა, რომ დარგის პატივსაცემი, ან აღიარებული სპეციალისტები, ან მიკერძოებულ განცხადებას აკეთებენ, ან დუმან.

აგვისტო 01 , 2019

"კომერციული რისკების დაზღვევა მთავრობის მიერ არ უნდა განხორციელდეს"

ანაკლიის პორტის ირგვლივ განვითარებული ისტორია, როგორც ჩანს წმინდა საინფორმაციო ომის ტალღაზე გადადის.

აგვისტო 01 , 2019

"ივნისში ეკონომიკის 5 %-იანი ზრდა საგარეო კურსზე რევოლუციური სცენარის ღია ზეგავლენას ადასტურებს

2019 წლის ივნისშის წინა თვეების ანალოგიურად, წინა წლის შესაბამის პერიოდთან შედარებით მაღალი ეკონომიკური ზრდა დაფიქსირდა და 5.0 პროცენტი შეადგინა, ხოლო 2019 წლის იანვარ-ივნისის საშუალო ზრდა 4.9 პროცენტს გაუტოლდა.

ივლისი 31 , 2019

"შემაგინე და გესვრი"- პუტინის შურისძიება გინებაზე

ერს არ გვაქვს ცივი გონება, თუ როგორ უნდა გავუმკვლავდეთ საფრთხეებს. ყველაფერი წალეკა პოპულიზმმა და ძალაუფლებისთვის ბრძოლამ.

ივლისი 10 , 2019

"საქართველო „მცირე ბიზნესის აქტის“ რეიტინგში აღმოსავლეთ პარტნიორობის ქვეყნების ლიდერია"

2 ივლისს, ქ. პარიზში "ეკონომიკური თანამშრომლობისა და განვითარების ორგანიზაციის(OECD) მიერ ორგანიზებულ ღონისძიებაზე, საქართველო აღმოსავლეთ პარტნიორ ქვეყნებს შორის „მცირე ბიზნესის აქტის“ რეიტინგში ლიდერად დასახელდა.

ივლისი 03 , 2019

"პროპორციული არჩევნებით პოლიტიკა ადგილობრივ კონტექსტს უმეტესწილად დაკარგავს"

ერთ-ერთი ყველაზე სერიოზული არგუმენტი პროპორციული არჩევნების წინააღმდეგ, რაც გუშინ თუნდაც ფბ-ზე ხშირად და ხაზგასმით აღინიშნა, ის არის, რომ ადგილობრივ კონტექსტს, თუკი სრულიად საქართველოს ერთიანი სიებით იქნება არჩევნები, მთლიანად თუ არა, დიდწილად დაკარგავს ეროვნული პოლიტიკა.

ივნისი 25 , 2019

„სსფ-ის ანგარიშში ცალსახად არის აღნიშნული, რომ მიმდინარე რეფორმები ხელს უწყობს სწრაფ და ინკლუზიურ ზრ

საერთაშორისო სავალუტო ფონდის აღმასრულებელმა საბჭომ დაასრულა საქართველოსათვის „გაფართოებული დაფინანსების მექანიზმის“ (Extended Fund Facility), ფარგლებში მეოთხე მიმოხილვა.

ივნისი 20 , 2019

საკრედიტო ექსპანსია ეკონომიკაში ღრმა რეცესიას წარმოშობს

საქართველოს ეროვნული ბანკის ჟურნალ „ეკონომიკა და საბანკო საქმე“ ბოლო ნომერში ძალზე საინტერსო მასალა გამოქვეყნდა „ჭარვალიანობის“ ზეგავლენაზე მოხმარებაზე და ეკონომიკურ რეცესიაზე, რომელიც განხილულია 2015-2016 წლებში, ბრაზილიის ფინანსური კრიზისის მაგალითზე.

ივნისი 17 , 2019

„დამაიმედებელი ეკონომიკური ზრდის პროგნოზი და რეფორმები, ქმნის წინაპირობებს ინკლუზიური ზრდისათვის“

მიმდინარე წლის აპრილში მშპ-ს მნიშვნელოვანი ზრდა დაფიქსირდა როგორც მომსახურების სექტორში, ასევე ეკონომიკის რეალურ სექტორში, მათ შორის სოფლის მეურნეობაში;

მაისი 31 , 2019