გიორგი იაკობაშვილი ფეისბუქის საკუთარ გვერდზე წერს:

"დიდი საწარმოები რომ დაიხურება ხოლმე და ათიათასობით ადამიანი უმუშევარი რჩება, ზუსტად ეგეთი განცდა გამიჩნდა, "ახალი მემარჯვენეებისა" და "შენების მოძრაობის" დახურვის ამბავი რომ გავიგე... 

ვინ იცის, რამდენი ათეულათასი კაცი დარჩა უსაკუთარპარტიოდ.

ისე, ამბობენ, უსუფაშვილს გენადი ზუგანოვი იწვევდა თავის პარტიაში, მაგრამ უსუფას შეუთვლია, ერთსა და იმავე მდინარეში ორჯერ არ შედიანო. ჰოდა, პოლიტიკური კარიერის მიწურულს ხაზარაძის "თიბისი საქართველოსთვის" ამჯობინა, აი, როგორც მარიო მანჯუკიჩმა ამჯობინა მიუნჰენის "ბაიერნს" ყატარის "ალ ოხრობა ალ დოზანა", - წერს იაკობაშვილი.